11 Qazan, 14:56 275 0 Jahan Anar LEPESOVA

Lańkester Aýǵanstandy jaryqsyz qaldyrdy

Aram pıǵyldylar Kabýldyń soltústigindegi Salang moınaǵynda jasandy jarylǵysh zattarmen Tájikstannan keletin elektr jelilerin zaqymdaǵan. Saldarynan birneshe provınııa men el astanasy jaryqsyz qaldy, dep habarlaıdy "Almaty" arnasy. 

Búginde jaýaptylar elektr jelisin qalpyna keltirip qoıypty. Alaıda ol ýaqytsha sheshim ǵana. Óıtkeni talıbandar elektr baǵandaryn qaıta buzýy múmkin. Bul – eki el arasynda ejelden sheshimin tappaı kele jatqan másele. Aýǵanstan bıligi jaǵdaıdy baqylaýda ustaı almaıtyn kórinedi. Sondyqtan osyndaı jaǵdaılar jıi oryn alyp turady.

Tájikstan jarty ǵasyrǵa jýyq Rogýn GES-niń qurylysyn da elektr energııasyn eksporttaý úshin júrgizip keledi. Jaqynda ǵana 2-gıdro agregatty iske qosyp, toq óndirýdiń kólemin arttyrǵan edi. Rogýndaǵy alty agregattyń kúshi búkil TMD elderin elektr energııasymen qamtamasyz etýge qaýqarly. Alaıda, kórshi memlekettegi ishki problemalar eksportqa tosqaýyl bolýda.

Sońǵy jańalyqtar