11 Qazan, 12:07 264 0 Ekonomıka Anar LEPESOVA

Ulttyq bank teńgeniń qunsyzdanýyna qatysty túsinik berdi

Ulttyq bank tóraǵasynyń orynbasary Esjan Birtanov «2019-2021 jyldarǵa arnalǵan respýblıkalyq bıýdjet týraly» Zań jobasy boıynsha baıandama jasady. 

"2019-2021 jyldarǵa ınflıaııanyń nysanaly dálizi 4-6% aýqymynda belgilengen. Qyrkúıek aıynyń qorytyndysy boıynsha jyldyq ınflıaııa 5,3% deńgeıde boldy. Jemis pen kókónis baǵasynyń maýsymdyq tómendeýine qaramastan, deflıaııalyq proester baıqalmady. Azyq-túlik taýarlarynyń baǵasy jyldyq mánde 9,1%-ǵa ósip, ınflıaııaǵa barynsha kóp úles qosýyn jalǵastyrýda. Basqa faktorlardyń ishinde azyq-túlikke álemdik baǵanyń joǵarylaýyn, iskerlik belsendiliktiń ósýin jáne tólem balansynyń aǵymdaǵy shotynyń nasharlaýyn atap ótýge bolady", - dedi Esjan Birtanov. 

Onyń baǵalaýynsha, ınflıaııa bıylǵy jyldyń qorytyndysy boıynsha nysanaly dálizdiń joǵarǵy shekarasyna jaqyn – 5,7-5,8% deńgeıinde qalyptasady.

"Valıýta naryǵynda munaı baǵasynyń tómendeýi aıasynda teńgeniń birtindep álsireý úrdisi baıqalady. Osy jyldyń 9 aıynda munaı baǵasy ortasha eseppen barreline 65 AQSh dollary deńgeıinde qalyptasty, bul 2018 jylǵa qaraǵanda 12%-ǵa tómen. 9 qazandaǵy jaǵdaı boıynsha teńge baǵamy munaıdyń aǵymdaǵy baǵasy barreline 58,3 dollar bolyp, 390,04 teńgeni qurady. Jyl basynan bergi álsireý 1,5%-dy qurap otyr. 1 qazanda Ulttyq Banktiń jalpy altyn valıýta rezervteri 28,8 mlrd dollar boldy. Eldiń halyqaralyq rezervteri jıyntyǵynda, Ulttyq qordyń aktıvterin qosa alǵanda, 88,2 mlrd dollardy qurady", - dedi Birtanov.

Mamannyń málimetinshe, 2018 jyldyń 1 jartyjyldyǵymen salystyrǵanda taýarlar eksporty 0,8%-ǵa artyp, 28,6 mlrd dollardy qurady. Taýarlar ımporty 7,2%-ǵa ósip, 17,2 mlrd dollardy qurady.

"Kredıttik belsendilik birtindep qalpyna kelýde. Bank sektorynyń jalpy kredıt portfeli jyl basynan beri 1%-ǵa ósip, 13,2 trln teńgege jetti. Ótken jyldyń osyndaı kezeńimen salystyrǵanda osy jyldyń 8 aıynda bankter 10,9%-ǵa artyq jańa nesıeler berdi", - dep túıindedi Esjan Birtanov.

Sońǵy jańalyqtar