11 Qazan, 10:55 310 0 Zań Anar LEPESOVA

Almatyda terakt jasamaq bolǵan adam 10 jylǵa sottaldy

Almaty qalasy Almaly aýdandyq qylmystyq sotynyń A.J.Bıtımbaevty terrorızm aktisine daıyndalý, terrorızmdi nasıhattaý, dinı alaýyzdyqty qozdyrý jáne atys qarýyn zańsyz saqtaý faktileri boıynsha 10 jylǵa sottaý týraly úkimi zańdy kúshine endi. Bul týraly QR UQK baspasóz qyzmeti habarlady. 

"Ol UQK nazaryna destrýktıvti dinı ıdeologııany ustanýshy jáne Qazaqstan Respýblıkasynda tyıym salynǵan "DAISh" halyqaralyq terrorıstik uıymynyń jaqtasy retinde ilikti. Tekserý barysynda onyń ınternette "DAISh" úgit-nasıhatynyń yqpalymen halyq kóp shoǵyrlanǵan oryndarda jarylǵyshty paıdalanýmen teraktiler daıyndaýy týraly aqparat alyndy. Qarýly shabýyl jasaǵannan keıin ol shetel sodyrlarynyń qataryna ótý jáne terrorıstik áreketin jalǵastyrý úshin Sırııaǵa jetýdi josparlaǵan. Bıtımbaevtyń oılaryn iske asyrmaý úshin ony osy jyldyń sáýirinde Almatyda ishki ister organdaryn tarta otyryp, UQK ustady", - delingen habarlamada.

Tintý kezinde odan atys qarýy men travmatıkalyq qarý, qoldan jasalatyn jarylǵysh quraldar jasaýǵa arnalǵan quramdas bólshekter, úsh saýda-oıyn-saýyq ortalyǵynyń syzbalary, betperde men qolǵap alynǵan.

Bıtımbaevtyń kinási kýágerlik túsiniktermen, zattaı jáne ózge de dáleldermen tolyqtaı dáleldendi.

Sońǵy jańalyqtar