11 Qazan, 10:21 298 0 Zań Anar LEPESOVA

Memleket basshysy eki zańǵa qol qoıdy

Qazaqstan prezıdenti Qasym-Jomart Toqaev eki zańǵa qol qoıdy, dep habarlaıdy Aqorda.

Eski qujattardan bas tartý

Olardyń biri – "2006 jyldyń 3 qazandaǵy Qazaqstan úkimeti men Reseı úkimeti arasyndaǵy Qazaqstan - Reseı shekara mańyndaǵy aýmaq turǵyndarynyń shekarany kesip ótý tártibi týraly kelisimge ózgerister engizý týraly hattamany ratıfıkaııalaý týraly" zań.

Endi Qazaqstan-Reseı shekara mańynda ornalasqan qalalar men aýyldardyń turǵyndary memlekettik shekarany kesip ótken kezde burynǵydaı tirkeý kitabyn emes, mekenjaı anyqtamasyn kórsetedi.

Qazaqstannyń ishki zańnamasynda azamattardy tirkeý kitabynyń kúshin joıýyna jáne mekenjaı anyqtamasyn engizýine oraı, atalǵan kelisimge tıisti ózgerister engizilgen bolatyn.

Iadrolyq zertteýler

Prezıdent qol qoıǵan kelesi qujat - Qazaqstan úkimeti men Eýropalyq ıadrolyq zertteýler jónindegi uıym (CERN) arasyndaǵy ǵylymı-tehnıkalyq yntymaqtastyqqa qatysty halyqaralyq yntymaqtastyq týraly kelisimdi ratıfıkaııalaý týraly" zań.

Energetıka mınıstri Qanat Bozymbaev qujatty parlamentte tanystyrǵan bolatyn. Kelisimniń arqasynda qazaqstandyq ǵalymdardyń biliktiligin artady dep kútilip otyr. Jergilikti ǵalymdar eýropalyq uıymmen áriptestik ornatqan álemniń 500 ýnıversıtetinde bilimin shyńdaýǵa múmkindik alady.

Kelisimde áriptestiktiń tek áskerı emes maqsatta júzege asatyny kórsetilgen.

 

Sońǵy jańalyqtar