9 Qazan, 21:43 111 0 Aımaq Anar LEPESOVA

Darıǵa Nazarbaeva "Syrym" shekara beketinde boldy

Senat Tóraǵasy Darıǵa Nazarbaeva Batys Qazaqstan oblysyna jumys sapary barysynda Qazaqstan men Reseı shekarasyndaǵy «Syrym» shekaralyq ótkizý beketinde bolyp, ondaǵy jańartylǵan ınfraqurylymmen tanysty, dep habarlaıdy palatanyń baspasóz qyzmeti.

Shekara beketi qyzmetkerleriniń málimetteri boıynsha, osy ýchaske arqyly ortasha eseppen myńnan astam avtomobıl ótedi. Birneshe aı buryn shekara beketiniń múmkindigimen mundaı kólemdegi kólik ótip úlgere almaǵan bolatyn, alys jolǵa taýar tasymaldaıtyn júk mashınalary keıde táýlik boıy kezekte turýǵa májbúr bolyp, shubatylǵan keptelister týyndady. Qazirgi kezde bekettegi ınfraqurylym tolyǵymen jańartyldy, burynǵy eki jolaqqa qosymsha jabdyqtalǵan segiz tekserý jolaǵy qosyldy. Bul Qazaqstan men Reseı shekarasyndaǵy osy ýchastokte keptelis máselesin sheshýge múmkindik berdi.

Sondaı-aq Senat Tóraǵasy Oraldaǵy «Batys Qazaqstan mashına jasaý kompanııasy» akıonerlik qoǵamynda da boldy. Senatorlar Jaıyq ózeniniń jaǵasyna bolyp, onyń ekologııalyq jaǵdaıymen tanysty. «Qazgıdromettiń» málimetinshe, 2017 jyldan bastap ózendegi sý 30-40 paıyzǵa azaıdy. Jergilikti turǵyndar sońǵy onjyldyqta ózen sý tasqyny kezeńinde de jaǵadan aspaıtynyn aıtýda. Sapar barysynda ózenniń keıbir jerlerine ólshem jasalyp, sýdyń tereńdigi tek 50 sm ǵana bolatyny Senat Tóraǵasyna kórsetildi.

 

Sońǵy jańalyqtar