9 Qazan, 15:14 146 0 Saıasat Anar LEPESOVA

Nyǵmatýlın: 9 aıda júkti áıel bosanyp úlgeredi, al sender bir buıryq daıyndaı almaısyńdar!

Májilis tóraǵasy Nurlan Nyǵmatýlın memlekettik bıýdjetten qarajat bólinetin baǵdarlamalardy iske asyrýda jaıbasarlyqqa salynǵan sheneýnikterge shúılikti.

Búgin Parlament Májilisiniń jalpy otyrysynda "2019-2021 jyldarǵa arnalǵan respýblıkalyq bıýdjet týraly" QR zańyna ózgerister engizý týraly" zań jobasyn talqylaý kezinde "Jas maman" jobasynyń oryndalýy barysyna nazar aýdardy.

Nyǵmatýlın jyl basynda, ıaǵnı Jastar jylynyń ashylýy rásiminde Elbasy "Jas maman" baǵdarlamasyn daıyndaý úshin Úkimetke tıisti tapsyrmalar bergenin eske saldy. Alaıda osy baǵyttaǵy qajetti sharalar iske asyrylmaǵan. Osy oraıda, Májilis tóraǵasy qujatty daıyndaý men kelisýdiń uzaq rásimderin synǵa aldy.

"Tapsyrmany oryndamaýdyń sebebiniń ózi narazylyq týdyrady, ıaǵnı bul jaǵdaı baǵdarlamany júzege asyrý tártibin daıyndaý men kelisý kezindegi jaı ǵana qaǵazbastylyqpen túsindirilip otyr. Bir qujatty kelisý sharalaryna 9 aı merzim jumsalǵan. 9 aıda júkti áıel dúnıege bala ákelip úlgeredi. Al sender bir buıryqty daıyndaı almaısyńdar! Meniń oıymsha, bul jaıt jastardyń múddesin qamtıtyn mańyzdy baǵdarlamany júzege asyrý kezine bıýrokratııalyq áýre-sarsańnyń jarqyn úlgisin kórsetip otyr. "Jastar jyly" bolsa aıaqtalýǵa taıap qalǵanda, sender endi ǵana oıanyp jatsyńdar", - dedi Nyǵmatýlın.

Sońǵy jańalyqtar