9 Qazan, 11:51 181 0 Naryq Anar LEPESOVA

Qazaqstandyq eńbek naryǵynda eń tapshy mamandar anyqtaldy

Bıylǵy úshinshi toqsannyń qorytyndysy boıynsha, elektrondyq eńbek bırjasyndaǵy túıindemeler men bos jumys orny sanynyń araqatynasynda kúzetshiler Qazaqstandaǵy eń tapshy mamandardyń kósh basynda tur. Bul jóninde Eńbek resýrstaryn damytý ortalyǵy habarlady. 

Ortalyq sarapshylary atap ótkendeı, osy jyldyń 9 aıynyń qorytyndysy boıynsha eńbek naryǵynda 3,3 myńnan astam kúzetshi jumys orny bos qalǵan. Tapshy mamandardyń úzdik bestigine tárbıeshiler (1,5 myńnan astam bos oryn), daıashylar (1,5 myń), satýshy-kassırler (1,3 myń) jáne tárbıeshi kómekshileri (1,2 myń) kiredi. Eń suranysqa ıe mamandyqtardyń ondyǵyna sanıtarlar, júk kóligin júrgizýshiler, orta mektep muǵalimderi, jol jumysshylary, satýshy-keńesshiler kirdi.

«Respýblıka boıynsha eńbek naryǵyndaǵy suranys aıtarlyqtaı erekshelenedi, al kúzetshilerdiń jalpy bos oryndar sanynyń úshten ekisi 2 óńirge tıesili ekenin aıta ketý kerek. Ol - Qostanaı oblysy (1050 bos jumys orny) jáne Nur-Sultan qalasy (1034 bos jumys orny). Al Shymkentte kúzetshiler tapshy 25 mamandyqtyń tizimine de enbeı qalǵan. Elimizdiń ońtústik megapolısinde eń suranysqa ıe mamandar - orta mektep muǵalimderi (935 bos oryn) boldy», - delingen habarlamada.

Elektrondyq eńbek bırjasyndaǵy jumys kúshiniń suranysy men usynystar taldaýymen tolyǵyraq myna siltemede tanysýǵa bolady.

Esterińizge sala keteıik, bıylǵy 6 aıdyń qorytyndysy boıynsha eńbek naryǵynda kúzetshilerdiń 4,4 myńnan astam jumys ornyna suranys bolǵan joq. Tapshy mamandyqtardyń úzdik bestigine (2.6 myńnan astam bos jumys orny) tazalaǵyshtar (2,3 myń), daıashylar (2,2 myń) jáne júk tasýshylar (2,1 myń) kirdi.

Sońǵy jańalyqtar