9 Qazan, 11:13 112 0 Aımaq Anar LEPESOVA

Nur-Sultanda jolaqyny bank kartasymen tóleýge bolady

Elordada jolaqyny bank kartasymen tóleý júıesi engizildi. Bul týraly Astana LRT ókilderi Facebook-tegi paraqshasynda jazdy.

"Búgin biz №20 baǵdarda jolaqysyn Visa bank kartalary arqyly tóleý múmkindigin engizdik. Qyzmet Visa jahandyq tólemdik tehnologııalyq kompanııasy, "Kassa Nova banki" AQ ("ForteBank" AQ EB) jáne "BP Qazaqstanmen" tyǵyz yntymaqtastyqta uıymdastyryldy", - delingen jarııalanǵan aqparatta.

Elge jáne emıtent bankke qaramastan, ony Visa baılanyssyz kartalaryn ustaýshylary paıdalana alady. Bul astanalyq qoǵamdyq kóliktiń turaqty paıdalanýshylary úshin ǵana emes, sonymen birge Qazaqstan óńirlerinen jáne shet elderden kelgen qonaqtar úshin de qolaıly, óıtkeni kólik kartasyn satyp alý qajettiligin boldyrmaıdy, týrısterge olar úshin ádettegi halyqaralyq kartalardyń kómegimen tóleý múmkindigin beredi. Joba áli testilik rejımde iske asyryldy jáne qoǵamdyq kóliktiń №20 qalalyq baǵdarynda jumys isteıtin bolady.

"Bank kartasymen tóleý kezindegi sapardyń quny qolma-qol aqshasyz tóleýdiń basqa tásilderi kezdegideı – 90 teńgeni quraıdy. Komıssııa alynbaıdy. Alaıda Visa kartasynyń ustaýshylary úshin akııa bastaldy. Bank kartasymen tólegen kezde bir sapardyń quny nebári 45 teńgeni quraıtyn bolady", - dep habarlady Astana LRT-da.

Sońǵy jańalyqtar