9 Qazan, 10:55 127 0 Jahan Anar LEPESOVA

Pecheneniń ishinen shirigen tis tabyldy

Anglııadaǵy Glostershır graftyǵynyń dárigeri pecheneden adamnyń tisin tapty. Keleńsiz oqıǵa jaıly  The Sun basylymy jazdy. 

90 jastaǵy Djordj Berdvýd kún saıyn tańerteń shaımen pechene jep júrgen. Alaıda bir kúni táttini jegen kezde qatty zatty sezgen. Keıin onyń tis ekenin kórip, jaǵasyn ustady. Dáriger tis shirip, túbimen túskenin aıtady.

Djordj Berdvýd pecheneniń ishinen shyqqan tis 50 jastaǵy áıeldiki degen oıda. Ol pecheneni daıyndaǵan kezde tis unǵa túsip ketýi múmkin dep otyr.

Zeınetker ónimdi daıyndaǵan kompanııaǵa hat ta jazypty. Alaıda jóndi jaýap ala almaǵan.

"Tamaqtyń qaýipsiz bolýy – basty mindetimiz. Biz tutynýshylardyń aryzyna úlken jaýapkershilikpen qaraımyz, - delingen habarlamada.

Kompanııa ókilderi dárigermen sóıleskenin, tekserý jumysyn júrgizý úshin tisti jiberýin suraǵan.

 

Sońǵy jańalyqtar