8 Qazan, 17:15 308 0 Bilim Ahmet ÓMIRZAQ

BOIJETKENDERDIŃ KÓBI ShETEL AZAMATTARYN QALAMAIDY

NEMESE QYZDAR JATQA NEGE JAR BOLADY?

 Qazaq ulttyq qyzdar pedagogıkalyq ýnıversıtetiniń janyndaǵy Áleýmettik jáne genderlik ǵylymı-zertteýler ınstıtýty «Myń kelbetti jastyq shaq: Almaty qalasynyń joǵary oqý oryndary stýdentteriniń áleýmettik-psıhologııalyq portreti» taqyrybynda arnaıy zertteý júrgizdi.

Jobanyń maqsaty – Almaty qalasyndaǵy joǵarǵy oqý oryndarynda oqıtyn stýdent qyzdardyń kásiptik daǵdylaryn zertteý arqyly olardyń ómirlik qundylyqtary men ustanymdaryn anyqtaý. Sonymen qatar zertteý barysynda joǵarǵy oqý oryndarynyń oqý-tárbıelik kórsetkishterine de taldaý júrgizildi.

Instıtýt mamandarynyń aıtýynsha, saýalnamaǵa Almaty qalasyndaǵy 8 joǵary oqý ornynyń stýdentteri qatysqan. Olardyń qatarynda ál-Farabı atyndaǵy Qazaq ulttyq ýnıversıteti, Qazaq ulttyq qyzdar pedagogıkalyq ýnıversıteti, S. Asfendııarov atyndaǵy Qazaq ulttyq medıına ýnıversıteti, Abylaı han atyndaǵy Qazaq halyqaralyq qatynastar jáne álem tilderi ýnıversıteti, Almaty Menedjment ýnıversıteti, Shet tilderi jáne iskerlik mansap ýnıversıteti, Sýleımen Demırel ýnıversıteti jáne M. Tynyshpaev atyndaǵy Qazaq transport jáne kommýnıkaııa akademııasy bar.

Áleýmettik zertteý barysynda stýdentterdiń joǵary oqý ornyn tańdaýy, bilimge degen kózqarasy, kásiptik baǵdarǵa, bıýdjet kózderine, saıası baǵdarlaýǵa, bos ýaqytty ótkizýge, áleýmettik sáıkestilikke, nekege turýǵa, reprodýktıvtik jáne genderlik baǵdarlamaǵa qatysty suraqtar qamtyldy.

– Búginde jastar psıhologııasynyń turaqsyzdyǵynan, qoǵamda óz ornyn taba almaýynan, bilim jáne dinı saýatynyń tómendiginen, eńbek naryǵynda shettetilýinen jáne bos ýaqytynyń kóptiginen olqylyqty jaıttarǵa tap bolady. Zertteý barysynda jastardyń, sonyń ishinde qyzdardyń mádenı, rýhanı ómirine jete mán berilip, tolyqqandy tulǵa tárbıeleý jáne olardyń óz isterin ashý baǵytynda qandaı ister atqarylýy tıistigi eksheldi, – deıdi Áleýmettik jáne genderlik ǵylymı-zertteýler ınstıtýtynyń mamandary.

Respondentter «Bul mamandyqty ne úshin tańdadyńyz?», «Úsh tildilik ıdeıasyna qalaı qaraısyz? Aǵylshyn tilin oqytýdyń sapasy qanaǵattandyra ma? Aǵylshyn tilin oqý barysynda qandaı qıynshylyqtarǵa kez boldyńyzdar?», «Ýnıversıtet dıplomy qyzdarǵa ma, álde uldarǵa mańyzdyraq pa? Genderlik taptaýryn máselesi jaǵynan taldaý jasasaq? «Ýnıversıtet dıplomyn alǵannan keıin er adamdarǵa jumysqa turý qyzdarǵa qaraǵanda jeńildeý me? Álde ekeýine de teń dárejede me?», «Áleýmettik belsendilik bizge ne beredi? Ol ne úshin qajet?», «Bilim alý ata-ananyń qarajatyna baılanysty ma nemese múmkindik bolsa basqa oqý ornyn tańdaıtyn ba edińiz?» syndy saýaldar tóńireginde óz oılarymen bólisti.

«Shetel azamatyna turmysqa shyǵý. Bul durys pa?» degen suraqqa boıjetkenderdiń basym bóligi buny quptamaıtynyn aıtty. Názikjandylardyń paıymdaýynsha, qyzdar sheteldik azamatqa áleýmettik jaǵdaıyn túzetý úshin jar bolady. Al saýalnamaǵa qatysýshylardyń bir toby otbasylyq baqyt ultqa nemese dinge baılanysty emes degen pikirde.

– Saýalnamaǵa myńǵa jýyq boıjetken qatysty. Ony júrgizý úshin Qyzdar ýnıversıtetinde arnaıy 9 fokýs top uıymdastyryldy. Osy taqilettes saýalnama aldaǵy ýaqytta joǵary oqý oryndarynyń professor-oqytýshylary men qyzmetkerleriniń arasynda júrgizilmek, – dep atap ótti joba avtorlary.

Sońǵy jańalyqtar