8 Qazan, 13:35 221 0 Syrtqy saıasat Dınara MYŃJASARQYZY

Ýkraına Saakashvılıdi deportaııalaý týraly sheshimdi qaıta teksermek

Ýkraına prokýratýrasy Saakashvılıdi deportaııalaý týraly 2018 jylǵy sheshimdi tekserýge kiristi. Ýkraına prokýratýrasy Grýzııanyń burynǵy prezıdenti Mıhaıl Saakashvılıdi deportaııalaý jóninde 2018 jyly shyqqan sheshim boıynsha qylmystyq is qozǵady.

Ýkraınanyń bas áskerı prokýratýrasy 7 qazanda "Polshaǵa zańsyz deportaııalaǵany" jáne "urlap áketkeni, kúsh qoldanǵany" jaıly Saakashvılıdiń shaǵymynan keıin tekserý bastalǵanyn málimdedi.

Bıyl mamyrda Ýkraınanyń jańa prezıdenti Vladımır Zelenskıı Saakashvılıge Ýkraına azamattyǵyn qaıtaryp bergen edi. Odan eki jyl buryn Ýkraınanyń sol kezdegi prezıdenti Petr Poroshenko Saakashvılıdi Ýkraına azamattyǵynan aıyrǵan.

2018 jyly aqpanda Saakashvılıdi Kıevte kidirtip, áýejaıǵa jetkizgen soń Polshaǵa asyryp jibergen bolatyn. Ýkraına shekara qyzmeti Saakashvılıge 2021 jyldyń 13 aqpanyna deıin Ýkraına aýmaǵyna kirýge tyıym salǵan.

2015 jyly Saakashvılı Ýkraına azamattyǵyn alyp, Poroshenkonyń jarlyǵymen Odessa oblysynyń basshylyǵyna taǵaıyndaldy. Osydan keıin Grýzııa «qos azamattyqqa jol berilmeıdi» degen ýájben Saakashvılıdi Grýzııa azamattyǵynan aıyrdy.

Poroshenko pen Saakashvılı qatynasy 2016 jyly jemqorlyqpen kúres jáne reforma jasaý týraly bastamalardan keıin buzylyp, qarasha aıynda Saakashvılı qyzmetinen bosatyldy. 2017 jyly shilde aıynda Saakashvılı «Jańa kúshter rýhy» (ýkraın tilinde: Rýh novıh sıl – red.) dep atalatyn oppozıııalyq partııa qurǵan soń Poroshenkonyń jarlyǵymen Ýkraına azamattyǵynan aıyryldy.

Sońǵy jańalyqtar