8 Qazan, 10:36 198 0 Zań Anar LEPESOVA

Jańaarqa ákiminiń orynbasary alǵan parasyn 30 eselep qaıtarady

Jańaarqa aýdany ákiminiń birinshi orynbasary para alǵany úshin sottaldy, dep habarlaıdy Sybaılas jemqorlyqqa qarsy is-qımyl agenttiginiń baspasóz qyzmeti. 

«Qaraǵandy oblysynyń sybaılas jemqorlyqqa qarsy qyzmeti para alǵan Jańaarqa aýdany ákiminiń birinshi orynbasary – jer komıssııasynyń tóraǵasy B.Q. Serikovke qatysty sotqa deıingi tergeýdi aıaqtady.Ol jeke tulǵalardyń paıdalanýyna jatpaıtyn qosymsha jer ýchaskesin jalǵa berý týraly oń sheshim qabyldaǵany úshin azamattan 200 myń teńge somasynda para aldy degen kúdikke ilingen. Aǵymdaǵy jyldyń 7 qazanynda Jańaarqa aýdandyq sotynyń úkimimen B.Q. Serikov para alǵany úshin kináli dep tanylyp, oǵan 6 mln teńge kóleminde aıyppul salyndy» - delingen habarlamada.

Sottalýshy memlekettik qyzmette laýazymdy qyzmetpen aınalysý quqyǵynan ómir boıyna aıyryldy.

 

Sońǵy jańalyqtar