7 Qazan, 17:15 189 0 Áleýmet Anar LEPESOVA

Elordada synyp tóbesinen qulaǵan sylaqtan bir oqýshy zardap shekti

Nur-Sultanda mekteptiń tóbesinen sylaq pen jaryq shamy jerge túsip, bir oqýshy zardap shekti, dep habarlaıdy  qalalyq bilim basqarmasy.

Oqıǵa  №71 mektep-lıeıdiń birinshi aýysymynda bolǵan. «№71 mektep-lıeıdiń úshinshi qabatyndaǵy kabınettiń tóbesindegi sylaq pen jaryq beretin sham jerge túsken. Saldarynan bir oqýshy zardap shekti. Oǵan №2 qalalyq aýrýhanada tekserý júrgizildi jáne úıine qaıtaryldy. Odan basqa eshkim japa shekken joq», – delingen basqarmanyń resmı málimdemesinde.

Qazir qalalyq bilim basqarmasy tótenshe jaǵdaılar departamentimen birlesip, kabınetti tekserip jatyr. «Oqıǵanyń sebebi tekserýden keıin jarııalanady. Mekteptiń barlyq kabınetterine tehnıkalyq tekserý júrgiziledi. Mundaı jaǵdaıdyń aldyn alý úshin barlyq bilim nysandary tekseriledi», – dep habarlady qalalyq bilim basqarmasynyń baspasóz hatshysy Jazıra Asanova.

Sońǵy jańalyqtar