4 Qazan, 14:37 384 0 Qaýipsizdik Dınara MYŃJASARQYZY

Desanttyq-shabýyldaý áskerlerinde ashyq esik kúni ótti

Desanttyq-shabýyldaý áskerlerinde mektep oqýshylary úshin «Ashyq esikter» kúni ótkizildi.

Almaty qalasyndaǵy Desanttyq-shabýyldaý áskerleriniń «61993» áskerı bólimi qalanyń 32 mektebiniń oqýshylaryna jáne kolledj stýdentterine patrıottyq tárbıe berý maqsatynda «Ashyq esikter kúnin» ótkizdi. Sany

200-ge tarta oqýshylar men stýdenter áskerı ómirdiń tynys-tirshiligimen tanysyp qaıtty.

Almaty qalasy Áýezov aýdany Qorǵanys isteri jónindegi basqarmasynyń bastyǵy podpolkovnık Denıs Nasyrovtyń uıymdastyrýymen osy aýdanǵa qarasty 32 mektepten jınalǵan oqýshylar jáne polıtehnıkalyq kolledjdiń stýdentteri áskerı bólimniń qurylý tarıhymen, sporttyq bazasymen, qarý-jaraǵymen, áskerı tehnıkalarymen tanysyp, olardy tájirıbe júzinde qoldanyp kórýge múmkindik aldy. Onyń ishinde, Desanttyq-shabýyldaý áskerleriniń jaýyngerlik daıyndyǵynyń negizi bolyp sanalatyn parashıýtpen sekirý jónindegi aqparattar, olardy jınaý tártipteri boıynsha kórsetilgen tájirbıelik jumystar oqýshylardyń erekshe nazaryn aýdartty.

 -Qazaqstan Respýblıkasynyń Prezıdenti Qasym-Jomart Kemeluly Toqaevtyń bıylǵy Qazaqstan halqyna Joldaýynda áskerı qyzmettiń bedelin arttyryp, onyń qataryn tolyqtyratyn áskerı qyzmetshilerdiń biliktiligine erekshe nazar aýdarý jaıy atap ótilgen bolatyn. Ótkizilip otyrǵan is-sharanyń negizgi maqsaty men mindeti de mektep qabyrǵasynan balany patrıottyqqa baýlý, Otan aldyndaǵy áskerı boryshtaryn abyroımen óteý, elimizdiń qorǵanys qabiletin nyǵaıtý jolyndaǵy bilimderi men kásibı biliktilikterin arttyrý bolyp tabylady. Sondyqtan biz osy tektes is-sharalar arqyly jastardyń boıyna otansúıgishtik sezimin uıalatýǵa yqpal etkimiz keledi,- deıdi Almaty qalasy Áýezov aýdany Qorǵanys isteri jónindegi basqarmasynyń bastyǵy podpolkovnık Denıs Nasyrov.

Al, № 42 mekteptiń 9-synyp oqýshysy Alımkýlov Danııardyń bala kezdegi armany – áskerı adam bolý eken. Onyń aıtýynsha, árbir azamat Otan aldyndaǵy áskerı boryshyn ótep, qajet bolsa, sol sapta abyroıly qyzmet atqarý kerek dep esepteıdi.

«Búgin biz áskerılerdiń, onyń ishinde desantshylardyń ómirine saıahat jasadyq. Áskerı tehnıkalardyń túrlerimen, olardyń urystaǵy mindetterimen tanysyp, qarýdy qolymyzǵa ustap kórdik. Meniń bolashaqtaǵy armanym – joǵary áskerı oqý ornyna túsip, ofıerler sapynda Otanyma qyzmet etý»,- dep Danııar bolashaq armanymen  bólisti.Biz bolashaq Otan qorǵaýshylarǵa aq jol tiledik.

Polatbek G.,

leıtenant,

Desanttyq-shabýyldaý

áskerleriniń baspasóz hatshysy

Sońǵy jańalyqtar