4 Qazan, 14:25 254 0 Qoǵam Dınara MYŃJASARQYZY

Ómirzaq Shókeev kómek surap kelgen turǵyndarmen kezdesti

Túrkistan oblysynyń ákimi Ómirzaq Shókeev «NUR OTAN» partııasyna kómek surap kelgen turǵyndarmen kezdesip, olardyń muń-muqtajyn tyńdady.

Elordanyń 600-ge jýyq turǵyny ashyq esik kúnine qatysty Partııanyń oblystyq fılıalynyń «Open Space» formatyndaǵy Qoǵamdyq qabyldaýynda aımaq basshysy azamattardyń máselelerine baılanysty qoldaý bildiretindigin jetkizdi, dep habarlaıdy QazAqparat tilshisi. Óńir basshysynyń qabyldaýyna kelgen kópbalaly ana Uljan Toılybaeva ataýly áleýmettik kómek alý máselesin kóterdi.

Sondaı-aq baspanaǵa qol jetkize almaı júrgenin aıtyp, partııa fılıaly tóraǵasynan kómek surady. Al, qarapaıym muǵalim M. Israılova ulttyq baǵytta bilim beretin qyzdar mektebin ashýdy armandaıtynyn jetkizdi. Batyr ana óz maqsatyn júzege asyrý jolynda ǵımarat surap, ákimdik tarapynan qoldaý bolsa jegen tilegin aıtyp ótti. Qabyldaýda sondaı-aq, oblystyq áıelder keńesiniń tóraıymy B. Jandosova respýblıkalyq «Ónege» jobasynyń jumysyn jandandyryp, Túrkistannan turmystyq zorlyq-zombylyqqa ushyraǵan azamattarǵa arnalǵan daǵdarys ortalyǵyn ashsaq degen ıdeıasymen bólisti. Azamattardyń aıtqan usynys tilekterin tyńdaǵan Ómirzaq Shókeev áleýmettik mańyzy zor bastamalarǵa qoldan kelgenshe kómek berýge ýáde etti. Aıta keteıik, «Nur Otan» partııasy Túrkistan oblystyq fılıalynyń «Open space» formatynda ashylǵan Qoǵamdyq qabyldaý keńsesine barlyq memlekettik organ jetekshileri, oblys ákimi, basqarma basshylary aı saıyn kelip, turǵyndarmen qabyldaý ótkizip turady.

Sońǵy jańalyqtar