4 Qazan, 13:21 305 0 Bilim Anar LEPESOVA

«Úzdik pedagog-2019» baıqaýynyń jeńimpazdary anyqtaldy

Ulaǵatty ustazdarymyzdyń kásibı merekesi qarsańynda respýblıkalyq «Úzdik pedagog» konkýrsynyń jeńimpazdaryn saltanatty marapattaý rásimi ótti.

Saltanatty sharaǵa Qazaqstan Respýblıkasynyń Bilim jáne ǵylym mınıstri Ashat Aımaǵambetov, qoǵamdyq mańyzy bar bastamalardy damytý qorynyń ókilderi, Qazaqstan Respýblıkasy Parlamentiniń depýtattary, muǵalimder men bilim berý salasynyń ardager-ustazdary qatysty.

Aıta ketken jón, 8 jyl ishinde atalǵan baıqaýǵa 35 127 pedagog qatysqan, onyń ishinde mektepke deıingi jáne orta, tehnıkalyq jáne kásiptik bilim berý júıesindegi 432 pedagog 1000 AEK kóleminde aqshalaı syıaqymen jáne "Úzdik pedagog" belgisimen marapattalǵan.

Óz kezeginde, qoǵamdyq mańyzdy bastamalardy damytý Qorynyń quryltaıshysy – Álııa Nazarbaeva "Álem muǵalimi"syılyǵynyń irikteý týrynda el namysyn qorǵaıtyn on bir muǵalimniń esimin jarııalady. Bıylǵy saltanatty sharanyń taǵy bir ereksheligi – baıqaý jeńimpazdaryn quttyqtaýmen qatar jeńimpazdardyń birine qoǵamdyq mańyzy bar bastamalardy damytý qorymen "Qazaqstan muǵalimi" syılyqaqysy berildi. Atalǵan syılyqaqy Nur-Sultan qalasyndaǵy Daryndy er balalarǵa arnalǵan "Bilim-ınnovaııa" lıeı ınternatynyń matematıka pániniń muǵalimi Gýl Mýammer myrzaǵa tabystaldy.

Sondaı-aq, pedagogtarǵa arnalǵan Nobel syılyǵynyń balamasy bolyp sanalatyn "Álem muǵalimi" jahandyq premııasynyń irikteý týryna qatysýǵa jumystary baǵyttalatyn taǵy da on ustazdyń esimderi ataldy. "Álem muǵalimi" halyqaralyq baıqaýy Dýbaıda 2020 jyldyń naýryz aıynda ótkiziletin bolady.

«Úzdik pedagog-2019» respýblıkalyq konkýrsy jeńimpazdarynyń tizimimen myna silteme arqyly tanysa alasyzdar:

http://edu.gov.kz/kz/news/detail.php?ELEMENT_ID=12191&#

 

 

Sońǵy jańalyqtar