4 Qazan, 11:11 311 0 Áleýmet Anar LEPESOVA

Nesıesi keshirilgender: Qaryzynan qutylǵandardyń kóbi qaı óńirden?

Kredıti keshirilgenderdiń kóbi Almaty, Shymkent qalalary men Túrkistan oblysynyń turǵyndary, dep habarlaıdy Qazaq radıosynyń jańalyqtar qyzmeti. 

Almaty qalasy boıynsha 115 998 kredıttiń qaryzy keshirilse, Túrkistan oblysynda 83 895, Shymkent qalasynda 74 731 nesıe ótelgen. Jambyl, Qyzylorda jáne Shyǵys Qazaqstan oblystarynda da keshirýge jatatyn kepildiksiz kredıtter kóp bolǵan.

Kópbalaly, múgedek bala tárbıelep otyrǵan, asyraýshysynan aıyrylǵan otbasylar men ataýly áleýmettik kómek alatyn azamattar jáne  jetim balalardyń bereshegin óteý jumysy jalǵasýda. Qazir osy bes sanatqa kiretin kredıti ótelmegenderdiń qosymsha tizimi jasaqtalyp jatyr.

Memlekettik organdardyń aqparattyq júıesinde boryshkerler jaıly keıbir aqparat bolmaı shyqqan. Eńbek jáne halyqty áleýmettik qorǵaý mınıstrligi Ulttyq bankke tizimge enbeı qalǵan azamattar týraly málimetti eki apta saıyn joldap otyr. Bul jumys jeltoqsan aıyna deıin jalǵasady.

Budan soń Ulttyq bank tizimdi kredıt bıýrosymen naqtylaıdy. Jyl sońyna deıin qalǵan boryshkerlerdiń bereshegi óteledi.

Aıta ketsek, bıyl 26 maýsymda prezıdent turǵyndardyń kepilsiz kredıti boıynsha borysh júktemesin azaıtýǵa qatysty jarlyqqa qol qoıǵan bolatyn. 507 myńnan astam adamnyń bank aldyndaǵy 620 myńdaı bereshegi óteldi. Buǵan memleket tarapynan 105 mıllıard teńge jumsaldy. Bul bir rettik akııa ekeni aıtylǵan bolatyn.

 

Sońǵy jańalyqtar