4 Qazan, 10:50 287 0 Zań Anar LEPESOVA

Balany urýǵa tyıym salatyn zań qabyldanady

Shotlandııada ata-ananyń balany shapalaqpen urýyna tyıym salynbaq. Bul Birikken koroldik quramyndaǵy elder arasyndaǵy alǵashqy tájirıbe, dep jazady Daily Mail basylymy.

Bul zań jobasyn óńirlik parlamentte 84 adam qoldaǵan, taǵy 29-y qarsy shyqqan. Jarǵy koroldik ruqsatyn alǵan soń bir jyldan keıin kúshine enedi.

Zań jobasyn engizgen Shotlandııadaǵy Jasyldar partııasynyń múshesi Djon Fınnı bul balalardyń quqyǵyn qorǵaýdaǵy batyl qadam boldy degen oıda.

«Bul sheshýshi ári batyl qadam boldy. Balalar úlkender tarapynan jasalatyn zorlyq-zombylyqtan qorǵalýy kerek», - dedi ol.

Ulybrıtanııada ata-analar tártip úshin balasyn shapalaqpen salyp qala alady. Degenmen mektepterde balaǵa kúsh kórsetýge tyıym salynǵan.

Bul zańdy qoldaýshylardyń aıtýynsha, balany shapalaqpen tartyp jibergen kezde ol álsiz kúıde qalady. Al zańǵa qarsy shyǵyp, balany osy ádispen tárbıeleımin degen ata-analar endi zardap shegetin bolady degen oıda.

Sońǵy jańalyqtar