4 Qazan, 10:37 355 0 Tehnologııalar Anar LEPESOVA

Abaı bolyńyz!: WhatsApp messendjerinde ózgeniń hatyn oqýǵa bolatyny anyqtaldy

Android operaııalyq júıesine arnalǵan WhatsApp messendjerinen osaldyq tabyldy. Bul gıfterdi paıdalanyp qurylǵydaǵy derekterge qol jetkizýge múmkindik beredi. Bul týraly óziniń blogynda Awakened laqap atymen qaýipsizdik zertteýshisi habarlady.

Jábirlenýshige zııandy gıf faıly arqyly shabýyl jasalýy múmkin. Paıdalanýshy WhatsApp galereıasynda gıfti ashqannan keıin, alaıaqtar qurylǵydaǵy faıldar men habarlamalardy kórýge múmkindik alady. Eger shabýyldaýshynyń nómiri jábirlenýshiniń dápterinde bolsa, keskin paıdalanýshynyń rastaýynsyz avtomatty túrde júkteledi.

Maman osaldyqtyń sýretter galereıasynda, sonymen qatar gıfterde aldyn-ala qaraý mehanızminde tabylǵandyǵyn túsindirdi. Qurylǵy Android 8.1 jáne 9.0 nusqalarynda jumys isteıdi, biraq Android 8.0 jáne odan burynǵy nusqalarynda jumys istemeıdi.

Avtor messendjerge ıelik etetin Facebook kompanııasymen problema týraly habarlady, qosymshanyń sońǵy nusqasynda túzetý engizildi. Alaıaqtarmen qaqtyǵystyń aldyn alý úshin haker paıdalanýshylardy messendjerdi kem degende 2.19.244 nusqasyna jańartýǵa shaqyrdy.

Buryn habarlanǵandaı, 2020 jyldyń 1 aqpanynan bastap WhatsApp budan bylaı burynǵy operaııalyq júıelerde messendjerdi qoldamaıdy. Ózgerister Android jáne iOS qurylǵylaryna áser etedi.

Sońǵy jańalyqtar