3 Qazan, 15:51 314 0 Tehnologııalar Dınara MYŃJASARQYZY

Qazaqstan ınternet jyldamdyǵy boıynsha elýlikke enbedi

Qazaqstan ınternet jyldamdyǵy boıynsha úzdik 50 el qataryna kire almady. 100 myńnan astam halqy bar Sent-Vınsent jáne Grenadınder eli reıtıngte Qazaqstannyń aldynda tur

Qazaqstanda ınternet paıdalanýshylardyń sany artqan. Sońǵy derek boıynsha elimizde tirkelgen 2,5 mıllıon ınternet abonenti bar. Iaǵnı, bir jylda olardyń sany 1,2%-ǵa ósti. Bul týraly energyprom.kz habarlaıdy.

Internetke qosylý múmkindigi bar uıaly baılanys abonentteriniń sany 15,1 mıllıon, bul ótken jyldyń sáıkes kezeńimen salystyrǵanda 8,5%-ǵa kóp (13,9 mln). Qańtar-tamyz aılarynyń qorytyndysy boıynsha, ınternetke qol jetkizý qyzmetterinen túsken kiris kólemi 15,7%-ǵa artyp, 185,2 mlrd teńgege jetti. Bul ótken jyldyń uqsas kezeńimen salystyrǵanda 6,8% joǵary (160 mlrd tg).

Internet paıdalanýshylardyń sany artqanmen, Qazaqstan ınternet jyldamdyǵy boıynsha (38,3 Mb/s) álemdik reıtıngte 64-shi orynda eken. Reıtıngte Sent-Vınsent jáne Grenadınder eli (38,6 Mb/s) Qazaqstannyń aldyna shyqqan, al Kosovo (36,7 Mb/s)  bir saty tómende. Internet jyldamdyǵy boıynsha kósh basynda — Sıngapýr (193,9 Mb/s), Gonkong (161,2 Mb/s) jáne Ońtústik Koreıa (160 Mb/s) tur. Úzdik bestikke Rýmynııa (131,2 Mb/s) men Taıvan (129,4 Mb/s) kiredi.

Esterińizge sala keteıik, ıfrlyq damý, ınnovaııalar jáne aeroǵarysh ónerkásibi mınıstri Asqar Jumaǵalıev 2021 jyldan bastap Nur-Sultan, Almaty, Shymkent megapolısterinde 5G paıda bolatynyn aıtty.

Sońǵy jańalyqtar