3 Qazan, 10:54 881 0 Nur Otan Anar LEPESOVA

«Halyq únine qulaq asatyn memleket» qalyptastyrý jolynda

Júıeli jańǵyrý jolyna túsken «Nur Otan» partııasy Elbasynyń Saıası keńeste júktegen tapsyrmalary men Prezıdent Joldaýyndaǵy maqsat-mindetterdi oryndap, halyq artqan senim údesinen shyǵý úshin óńirlerdegi barlyq qurylymdaryna aıryqsha jaýapkershilik júktep otyr. Sondyqtan aımaqtardaǵy fılıaldar zaman talabyna saı jedel áreket etýde. Partııanyń Atyraý oblystyq fılıaly da jergilikti turǵyndarmen qoıan-qoltyq jumys istep, óńirdegi ózekti máselelerdiń oń sheshilýine yqpal etýde. Aımaqtaǵy ıgi ózgerister jaıly oblystyq fılıal tóraǵasynyń birinshi orynbasary Nurlybek Ojaev baıandap berdi.

– Nurlybek Jumahmetuly, partııa jumysyn júıeli jańǵyrtý qolǵa alyn­ǵaly beri kóp óńirde oń ózge­ris­ter baıqalady. Atyraý obly­syn­daǵy nátıjeler qandaı?

– Atyraý oblysyndaǵy partııa qury­lymdary «Nur Otan»-nyń syndarly saıa­satyn, halyq aldyndaǵy mindetinen jańylmaı, josparly jáne júıeli túrde jumys istep keledi.

Jańǵyrtylatyn demokratııalyq saıa­sı júıe men ashyq aqparattyq qoǵam jaǵ­­daıynda partııalyq kadrlardyń joǵary básekege qabilettiligin qamta­ma­syz etý maqsatynda kadrlardyń sapalyq qura­my­na tolyq aýdıt júrgizildi. Par­tııa­lyq kadrlyq rezervti qalyptastyrý bary­synda 148 úmitker usy­ny­lyp, test tap­sy­rý kezinde 133-i (79,2%) shekti deń­geıden ótti.

Qoǵamdaǵy belsendiligin arttyrý maq­sa­tynda bastaýysh partııa uıymdarynyń tóraǵalaryna arnalǵan kóshpeli «kýs­ta­lyq» semınarlar (Dossorda, Aqqystaýda jáne Qulsary qalasynda) ótkizildi.

Jańǵyrý jumystarynyń negizgi ózegi – partııalyq kadrlardy daıarlaýda polı­to­logııalyq bilim erekshe nazarǵa alynyp, óńirler boıynsha alǵashqy jáne ázirge dara «Saıasattanýshylar ortalyǵy» qu­ryl­dy. Prezıdent Joldaýyndaǵy maq­sat-mindetterdi nasıhattaý jáne qoǵam­dyq-saıası jaǵdaıǵa monıtorıng júrgizý, BPU úshin ádistemelik nusqaýlyq ázirleý maqsa­tyn­da quramyna ǵalymdar, partııa arda­ger­leri, buqaralyq aqparat qural­da­ry ókilderi engen Ortalyq arqyly saraptama júrgizilip, ıdeologııalyq qyz­met baǵyt­tary men metodıkalyq mate­rıal­dar naq­ty­landy. «Jahandaný dáýi­rindegi – Qazaqstan» taqyrybynda res­pýb­lıkalyq ne halyqaralyq deńgeıde saıasattaný­shy­lardyń ǵylymı-praktı­ka­lyq konfe­ren­ııa­syn ótkizý jos­par­lanýda.

Sonymen qatar, Atyraý oblystyq fı­lıaly Batys Qazaqstan, Mańǵystaý, Aq­tóbe, Túrkistan oblystyq, Shymkent qalalyq jáne 15 aýmaqtyq fılıal­dary­men iskerlik qarym-qatynas ornatyp, ozyq ádistemeler, zamanaýı qajettilikti anyqtaýǵa múmkindik týdy.

– Prezıdent Qasym-Jomart Toqa­ev halyqqa Joldaýynda budan bylaı she­neýnikter jumysynyń sa­pasy halyq­tyń ótinish-shaǵym­dary­nyń oryndalýyna qaraı baǵytta­latynyn aıtty. Atyraýlyq shendiler partııa­nyń qoǵamdyq qabyldaýyna qanshalyqty jıi bas suǵady?

– Jyldyń basynda jergilikti atqa­rý­shy organ basshylarynyń oblystyq partııa fılıalynyń qoǵamdyq qabyldaý bólmesinde azamattardy jeke qabyldaý jóninde keste jasaqtalǵan bolatyn. Fılıal tóraǵasy bekitken keste boıynsha basqarma basshylary kelip, jeke qabyl­daýlar ótkizedi.

Qoǵamdyq qabyldaý bólmesinde «Nur Otan» partııasynyń barlyq deńgeıdegi más­­lıhattardaǵy depýtattary, fılıal tór­aǵalary, ıaǵnı qala, aýdan ákimderi qa­byldaý ótkizdi. Memlekettik organ bas­shy­lary 425 qabyldaý júrgizip, 999 aza­matty qa­byldap turǵyndardyń máse­le­leriniń sheshilýine aralasty. Oblystyq fılıalda atqarýshy organdar basshylary 75 qabyl­daý ótkizip, 363 adamnyń óti­nish­terin tyń­dap, oń sheshilýine atsalysty. QR Tuńǵysh Pre­zıdenti – Elbasynyń «Nur Otan» par­tııa­synyń Saıası keńesinde ber­gen halyq­pen keri baılanys qural­da­ry­nyń tıim­di­ligin arttyrý boıynsha tap­syrmasynyń, sondaı-aq Memleket bas­­shysy Qasym-Jomart Toqaevtyń Qazaq­­stan halqyna Jol­daýynda qoıyl­ǵan «Ha­lyq únine qulaq asatyn memleket» júıe­­­sin qalyp­tas­tyrý boıynsha qyr­kúıek-jeltoqsan aılaryna qabyldaý kes­teleri barlyq fılıaldar boıynsha túrli formattaǵy qabyldaýlarmen (kósh­pe­li, «Skype» baıla­nysy arqyly) tolyq­ty­rylyp, qaıta bekitilip, retimen oryn­dalýda.

– Partııa Tóraǵasynyń Birinshi oryn­ba­sary Baýyrjan Baıbektiń aıtýynsha, partııanyń qoǵamdyq qabyldaý bólmesine kelip túsken shaǵymdardyń 47 paıyzy jergilik­ti jerde, aımaqtyq jáne aýmaqtyq fılıaldardyń tóraǵalary sheshe­tin máseleler. Sizderdiń aımaqta­ryń­yzda turǵyndar partııaǵa negi­zi­nen qandaı máseleler boıynsha shaǵymdanady? Olardyń talap-tilek­teri der kezinde qanaǵattan­dy­ry­la ma?

– Jyl basynan beri 9 qoǵamdyq qa­byl­daý bólimine jeke jáne zańdy tul­ǵadan 1945 ótinish túsken. Túsken óti­nish­terdi saralaý nátıjesinde anyqtal­ǵa­nyndaı, óńir turǵyndary partııaǵa negi­zi­nen áleýmettik máseleler (28,8%), pá­ter jáne jer telimin alý (27,9%), jumysqa ornalastyrý (18,0%), turǵyn úı-kommý­nal­dyq sharýashylyǵy (10,8 %) jónindegi talap-tilekterimen júginedi. Áleýmettik máseler boıynsha Atyraý qalasy jáne Jylyoı aýdany turǵyndarynan aryz-shaǵym kóp túsken. Al jumysqa orna­las­tyrý jónindegi ótinishterdiń deni Maqat, Isataı jáne Qyzylqoǵa aýdan­darynyń azamattarynan túsken.

Búgingi kúnge deıin kelip túsken 1945 óti­nishtiń 532-i (27%) oń sheshilip, 1413 (73%) ótinish boıynsha naqty túsi­nik­te­meler berilgen. Iaǵnı, turǵyndardyń talap-tilekteriniń qanaǵattandyrylý deńgeıiniń oblys boıynsha ortasha kór­set­kishi 27 paıyz. Keıbir aýdandyq fı­lıal­darda bul kórsetkish joǵary deń­geı­de. Atap aıt­qanda, Isataı aýdanynda 54%, Jylyoı aýdanynda 46%, Maqat aýda­nyn­da 40 % quraıdy.

– Elimiz shaǵyn jáne orta bızneske aıryqsha qoldaý kórsetip otyr. Alaıda kóp jaǵdaıda kásip ashqysy keletinder memleket usynǵan jeńildikterden beıhabar. Atyraý oblysyndaǵy bıznes bastaýǵa nıettiler memlekettik qoldaýdyń ıgiligin tolyqqandy kórip jatyr ma?

– Kásipkerlik saladaǵy memlekettik qol­daýlardy nasıhattaý baǵytynda «Ata­me­ken» kásipkerler palatasy janynan oblysymyzdyń 7 aýdanynda jáne Atyraý qalasynda kásipkerlerdi qoldaý orta­lyq­tary ashylyp, belsendi jumys isteýde. Ortalyqta memlekettik baǵdarlamalardy túsindirý, bıznes jospar jasaqtaý, salyq jáne esepterdi tapsyrý, memlekettik tapsyrystarǵa qatynasý, oqytý, quqyq­tyq kómekter keńesteri tegin kórsetiledi. Búgingi kúnge deıin kásip bastaǵan jáne bastaǵysy keletin 7 myńnan astam adam mamandardan keńes aldy.

– Búgingi kúnge deıin «Nur Otan» partııasynyń saılaýaldy baǵdar­la­ma­synda kórsetilgen maqsat-mindetterdiń 80 paıyzy oryndal­dy. Nátıjesinde halyqtyń par­tııaǵa degen senimi, qurmeti arta túskeni ańǵarylady. Atyraý obly­synda da nurotandyq atanýǵa nıettiler qatary kóbeıgen bolar?

– Kúni búginge oblys boıynsha partııa músheleriniń sany 31 900-ge jetip otyr. 2018 jyly partııa músheligine 1866 adam qabyldansa, onyń 250-i kásipkerler, 126-sy jastar. Al bıyl partııa músheleriniń qataryna 2000-nan asa adam qosyldy. Buryn nurotandyqtardyń qatary negizi­nen bilim, densaýlyq, mádenıet salasy men memlekettik qyzmetkerlermen to­lyq­sa, búginde shaǵyn jáne orta bıznes ókil­de­riniń, sondaı-aq jastardyń partııa múshesi bolýǵa yqylas tanytýy «Nur Otan»-ǵa degen senimniń artqanyn aıǵaq­ta­sa kerek.

– Suhbatyńyzǵa rahmet!

 

Suhbattasqan

Anar LEPESOVA

Sońǵy jańalyqtar