30 Qyrkúıek 2019, 10:27 922 0 Aımaq Anar LEPESOVA

Arystyq balalardyń denesine belgisiz jara qaptady

"Arystaǵy joıqyn jarylystan keıingi qorqynysh seıilmeı jatyp, balalarymyzdyń denesine jara shyǵa bastady" dep dabyl qaqqan analar keshe jergilikti ákimdik mańyna jınaldy. Olardyń aıtýynsha, aldymen jarylys, keıin polıgondaǵy jalǵasyp jatqan oq - dárini zalalsyzdandyrý jumystary, barlyǵy qosylyp Arystyń aýasyn ábden lastaǵan. Bul týraly 31 arna habarlady. 

«Ómirimde basyma jara shyqpaǵan. Endi jara shyqty. Qandaı jara ekenin dárigerler de túsinbeıdi», - deıdi turǵyndardyń biri.

Arystyq analar balalarynyń denesinde qaptaǵan jaralarǵa alańdaıtynyn aıtady. Dárigerlerdiń em-domynan keıin de tolyq jazylmaı otyr deıdi olar. Olardyń ózinshe, balalardyń basy, moıny, denesi men aıaǵynda jara shyqqan.

«Arysqa kelgennen keıin bes balama jara shyǵyp aýyrdy. Teri aýrhanasyna 5 ret bardyq. Bir-birine juǵa berdi. Tipti, bir aılyq bópeme de juqty», - deıdi bes balanyń anasy Aınash Álıasqarova.

Sondaı-aq, analar balalarynyń ishi aýyratynyn aıtyp shaǵymdanatynyn jetkizdi. Tipti, dárisiz jazylmaıtyn jaǵdaıǵa jetti degen turǵyndar «dárini bere-bere ımmýnıtetin qurtamyz ba» dep alańdaıdy.

Al dárigerler dınamıka qalypty, ósim joq ekenin jetkizdi.

«Bul, halyqtyń tilimen aıtqanda, sý jara dep atalady. Ata-babalarymyz ony qaýyn jara deıtin. Qazirgi ýaqytta sondaı jara shyǵyp jatyr. Qazir basyldy», - deıdi Arys qalalyq aýrýhanasynyń bólim meńgerýshisi Ǵappar Tólebaev.

Sonymen qatar dárigerler ish aýrýy boıynsha da ósim joq ekenin aıtady. Olar aýrýhananyń toly bolýyn jemis-jıdekti kúz maýsymymen baılanystyrdy. Kóbine jemis-jıdekti jýmaı jeı salatyn adamdardyń salǵyrttyǵynan, deıdi.

Tegter Balalar Arys jara

Sońǵy jańalyqtar