20 Qyrkúıek, 16:15 988 0 Qaýipsizdik Maqsat QUSAIYNOV

«Medıaııany damytý joldary»

Almaty qalasy Alataý aýdandyq soty memlekettik emes uıymdarmen  kezdesý is-sharasy negizinde «Halyqaralyq quqyq qorǵaý ortalyǵy» Respýblıkalyq qoǵamdyq birlestigimen birlesip, medıaııa tártibinde tatýlastyrý rásimin ótkizýdegi jańashyldyqtarmen bólisý úshin «Medıaııany damytý joldary» taqyrybynda semınar ótkizdi.

Semınar jumysyna Almaty qalasy Alataý aýdandyq sotynyń tóraǵasy DTileýbaev, sottyń tatýlastyrýshy sýdıasy D.Aıkýlov, aýdandyq sottyń mamandary jáne «Medıaııa damytý ortalyǵynyń» kásibı medıatory N.Myqtybaeva jáne «Halyqaralyq quqyq qorǵaý ortalyǵynyń» kásibı medıatory Q.Babanov qatysty.

Is-shara barysynda «Halyqaralyq quqyq qorǵaý ortalyǵy» Respýblıkalyq qoǵamdyq birlestiginiń kásibı medıatory Q.Babanov: «Qoldanystaǵy Qazaqstan Respýblıkasynyń Azamattyq proestik kodeksinde  proeste taraptardy bitimgershilikke kelýge yqpal etýge basymdyq berilip, sottardyń taraptardy tatýlastyrý úshin barlyq sharalardy qoldanýǵa, proestiń barlyq satysynda daýlardy retteýge yqpal etý mindetteri qarastyrylǵanyn aıtyp, kelispeýshilikterdi retteýdegi medıatorlardyń tásilderin jan-jaqty túsindirdi. Qoǵamdyq sananyń oıy eshqashan bir jerden shyqqan emes, endigi bizdiń basty maqsat, atalǵan taqyryptaǵy medıatorlarǵa degen qoǵamdyq kózqarasty, oıdy, túptep kelgende sanany jańǵyrtý arqyly, medıatordyń ózge organdardan ereksheligin, taraptardyń tańdaý múmkinshiligi bar ekendigin, burynǵy alqa bılerdiń búgingi jalǵasy retinde qoǵam sanasynyń jańǵyrýyna yqpal jasap, medıaııanyń naǵyz mámile alańyna aınaldyrýǵa barymyzdy salamyz - dedi.

Semınar barysynda sóz alǵan Alataý aýdandyq sotynyń tatýlastyrýshy sýdıasy D.Aıkýlov medıaııa  rásimimen birshama tarapty tatýlastyrǵanyn aıtyp, sot jumysynda  medıaııa rásimin ótkizýdiń tıimdilikterin tilge tıek etti.

Al, aýdandyq sottyń tóraǵasy D.Tileýbaev, óz tarapynan tek sotta ǵana emes, sotqa deıingi beıbit kelisimge kelý rásimin  kúsheıtý áldeqaıda tıimdi bolar edi dep, osy atalǵandar barysynda jumys jasaýdy usyndy.

Semınar sońynda kásibı medıatorlar kezdesý uıymdastyryp, semınarda túrli máseleler boıynsha ózara pikir almasýda aıryqsha atsalysqandarǵa rızashylyǵyn bildirdi.

 

Sońǵy jańalyqtar