27 Qyrkúıek 2019, 10:29 699 0 Áleýmet Anar LEPESOVA

"10 ese kóp": Depýtat sheteldik jáne qazaqstandyq munaıshylardyń jalaqysyndaǵy aıyrmashylyqqa shúılikti

Senat depýtaty Murat Baqtııaruly premer-mınıstrge depýtattyq saýal joldap, munaı kompanııalarynda isteıtin sheteldik jáne qazaqstandyq mamandardyń jalaqysyndaǵy aıyrmashylyqty azaıtý máselesin qarastyrýdy surady.

Halyq qalaýlysynyń aıtýynsha, munaı kompanııalarynda isteıtin sheteldik jáne qazaqstandyq mamandardyń jalaqysynda úlken aıyrmashylyq bar.

"Mysaly, tekseris barysynda Qyzylorda oblysyndaǵy "PetroQazaqstan Qumkól Resorsız" kompanııasynda jumys isteıtin qazaqstandyq ýchaske sheberiniń jalaqysy 315 myń teńge bolsa, sheteldik osy laýazymdaǵy osy mamannyń jalaqysy 3 mıllıon teńgeden asady. Mundaı mysaldar Atyraý, Mańǵystaý, Aqtóbe oblystarynda da jetkilikti", - dedi ol senattyń jalpy otyrysynda.

Senatordyń aıtýynsha, Qazaqstannyń qoldanystaǵy eńbek jáne jumyspen qamtý zańnamalarynda sáıkessizdik faktisi oryn alǵan jumys berýshilerge qatysty yqpal etý tetikteri qarastyrylmaǵan.

"Osyǵan baılanysty qurmetti Asqar Uzaqbaıuly, jergilikti jáne sheteldik qyzmetkerlerge eńbekaqy tóleý jónindegi halyqaralyq tájirıbelerdi tujyrymdap eńbekaqydaǵy sáıkessizdikterdi qysqartý, onyń ishinde sheteldik jumys kúshin tartý kezinde mindettemelerdi oryndaý boıynsha jaýapkershilikti kúsheıtý jáne munaıdy tereń óńdeıtin munaı-hımııa salasyn damytý jóninde keshendi sharalar qabyldaýyńyzdy suraımyn", - dedi Baqtııaruly.

Sońǵy jańalyqtar