25 Qyrkúıek, 09:56 440 0 Jahan Anar LEPESOVA

Qasym-Jomart Toqaev BUU Bas hatshysymen kezdesti

Nıý-Iorkte BUU Bas Assambleıasy 74-sessııasynyń jumysy aıasynda Qazaqstan Prezıdenti Qasym-Jomart Toqaev BUU Bas hatshysy Antonıý Gýterrıshpen kezdesti, dep habarlaıdy  Aqordanyń baspasóz qyzmeti.

Kezdesý barysynda Memleket basshysy Uıymnyń halyqaralyq turaqtylyq pen qaýipsizdikti qoldaýdaǵy, halyqaralyq qaqtyǵystardyń aldyn alý men retteýdegi basshylyq rólin atap ótti. Qasym-Jomart Toqaev BUU-nyń qazirgi zaman talaptaryna saı beıimdelýinde Antonıý Gýterrıshtiń belsendi qyzmetin qoldaıtynyn bildirdi.

Prezıdent BUU BA-nyń osy sessııasynda kóterilip otyrǵan "Kedeılikpen kúresti jan-jaqty kúsheıtýdi yntalandyrý, sapaly bilim berýge, klımattyń ózgerýimen kúres jónindegi is-sharalarǵa jáne ınklıýzıvtilikke yqpal etý" taqyryby asa ózekti másele ekenin atap ótti. Onyń aıtýynsha, Qazaqstan BUU-nyń 2030 jylǵa deıingi Turaqty damý maqsattaryn júzege asyrýǵa ázir. Óıtkeni bul qujat bizdiń eldiń aldaǵy ekonomıkalyq jáne áleýmettik jańǵyrtý máseleleri boıynsha jarııalaǵan josparymen úndesedi.

Óz kezeginde Antonıý Gýterrısh Turaqty damý maqsattaryn iske asyrýda Qazaqstannyń Birikken Ulttar Uıymy júıesimen ózara is-qımylyna oń baǵa berdi. Qazaqstannyń jahandyq ıadrolyq qarýǵa qarsy kúntártibinde jetekshi ról atqaratyny, óńirlik qaqtyǵystardy retteý isinde halyqaralyq kúsh jumyldyrýy, sonyń ishinde Sırııa máselesi boıynsha ótken Astana proesi aıasyndaǵy qomaqty úlesi aıtyldy.

Bas hatshy Qasym-Jomart Toqaevqa 2019 jyldyń mamyr aıynda BUU-nyń 16 aımaqtyq ókildigin bir shańyraq astyna biriktirgen Almaty qalasyndaǵy Halyqaralyq uıymdar ǵımaratyn ashqany úshin alǵys bildirdi. Kezdesý barysynda Qazaqstan men BUU-nyń aldaǵy ózara praktıkalyq is-qımylynyń perspektıvalary, onyń ishinde elimizdiń halyqaralyq uıym aıasynda bitimgershilik operaııalarǵa qatysýdy keńeıtý múmkindigi qaraldy. Sonymen qatar, taraptar álemdik saıasattyń birqatar ózekti máseleleri boıynsha da pikir almasty.

Sońǵy jańalyqtar