24 Qyrkúıek, 15:12 552 0 Rýhanııat Anar LEPESOVA

I Ortalyqazııalyq semınar: Sheteldik ǵalymdar Almatyda bas qosady

27 qyrkúıekte Qazaqstan Respýblıkasyndaǵy BUU Aqparattyq bıýrosynyń konferen-zalynda Halyqaralyq «aqparatqa qol jetimdilik: akademııalyq yqpaldy kúsheıtý» kúnine arnalǵan I Ortalyqazııalyq jýrnalıstıka semınarynyń ashylýy bolady.
IýNESKO-nyń 2015 jylǵy 17 qarashadaǵy sheshimine baılanysty (38S/70) 28 qyrkúıek Halyqaralyq aqparatqa jalpyǵa qol jetimdilik kúni bolyp jarııalanǵan bolatyn. Bul Halyqaralyq kún qoǵamnyń aqparatqa qol jetimdiligi men arnaıy bostandyqtardy qorǵaýdy talap etetein 2030 turaqty damý tártibin, atap aıtqanda, 16.10 Turaqty damý maqsattaryn júzege asyrýda erekshe mańyzǵa ıe.
Is-sharanyń maqsaty - Ortalyq Azııadaǵy turaqty damý salasyndaǵy qyzmetti júzege asyrý úshin aqparatqa qol jetimdiliktiń mańyzdylyǵyna nazar aýdarý.
Ǵylymı pikirtalas halyqtyń aqparatqa qol jetimdiligin qamtamasyz etý, turaqty damý maqsattary úshin jýrnalıstik bilim berý, aqparatqa qol jetimdilik, Orta Azııa elderiniń zańdaryna sholý sekildi negizgi baǵyttar boıynsha ótkiziledi.
 BUU-nyń Qazaqstan Respýblıkasyndaǵy aqparattyq bıýrosymen jáne Ál-Farabı atyndaǵy Qazaq Ulttyq ýnıversıtetimen birlesip uıymdastyrylǵan  semınarǵa Ózbekstan, Qyrǵystan, Qaraqalpaqstan, Tájikstan, Qazaqstan ýnıversıtetteri jýrnalıstıka kafedrasynyń professorlary, stýdentteri, magıstranttary men doktoranttary jáne otandyq aqparat quraldarynyń ókilderi qatysady.
Sondaı-aq, sharaǵa aýstralııalyq ǵalym, Sıdneı ýnıversıtetiniń BAQ jáne kommýnıkaııalar departamentiniń qyzmetkeri  Beate Djozefı arnaıy shaqyrylǵan. Ol bolashaq jýrnalısterdiń aldynda dáris oqyp, óz tájirıbesimen bólispek.

Sońǵy jańalyqtar