24 Qyrkúıek 2019, 11:05 1017 0 Aımaq Anar LEPESOVA

Qarttar úıine barǵan eriktilerdi mekeme basshylyǵy qýyp shyqty

Almaty oblysynda qarttar úıinen shý shyqty. Daý eriktiler men mekeme qyzmetkerleri arasynda týyndaǵan. Eriktiler ol jerge qarııalarǵa konert qoıyp, táttilerden dám tatqyzý úshin barǵan. Alaıda ondaǵy qyzmetkerler aıaq asty eriktilerdi qýa bastaǵan, dep habarlaıdy «Almaty» telearnasy.

«Maǵan olardyń bizben ashýlana sóıleskeni bir túrli kórindi. Biz pansıonattaǵy qarttardy ýaıymdaımyz. Eshqandaı janjalǵa jol bergimiz kelgen joq. Tek qana ydysty jýyp keteıin degenbiz», – deıdi erikti Eraly Atıbekov.

Al mekeme ákimshiliginiń sózinshe, eriktiler ashanaǵa ruqsatsyz kirip ketken. Olardyń aıtýynsha, tamaq ázirleıtin orynǵa qyzmetkerlerden bógde adamdardyń kirýine tyıym salynady. Ǵımaratty bosatýyn suraǵanda eriktiler ony qulaqqa ilmeı, qyzbalyqqa salynǵan. Qazir qarttar úıinde 50 azamat turady. Olardyń basym bóliginde psıhıkalyq aýytqý bar.

«Pansıonattaǵy qarttardyń kóbi tipti qoldarynda stakandy da ustaı almaıdy. Eger shyny synatyn bolsa, jaraqattanýy múmkin. Sondyqtan qaýipsizdik maqsatynda plastık ydystardy paıdalanamyz», – dedi «Nur Otaý» pansıonatynyń basshysy Galına Býrmatova.

Sońǵy jańalyqtar