19 Qyrkúıek, 13:05 611 0 Áleýmet Anar LEPESOVA

Mınıstr muǵalimderdiń jalaqysy qanshalyqty artatynyn aıtty

Búgin Májiliste «Pedagog mártebesi týraly» jáne «Pedagog mártebesi, muǵalim men oqýshyǵa júktemeni tómendetý máseleleri boıynsha ózgerister men tolyqtyrýlar engizý týraly» zańdardyń jobasy tanystyryldy. Bul oraıda bilim jáne ǵylym mınıstri Ashat Aımaǵambetov muǵalimderdiń jalaqysyn qanshalyqty arttyrý josparlanyp otyrǵanyn málimdedi.

Bilim mınıstri óz sózinde memleket boıynsha muǵalimderdiń jalaqysynyń deńgeıi ortashadan tómen ekenin jáne 110 myń teńgeni quraıtynyn aıtty. Vedomstvo basshysynyń sózinshe, kelesi jyldan bastap muǵalimderdiń jalaqysy 25 paıyzǵa artady.

«Mınıstrlik pedagogtardyń jalaqysyn kóterýge birneshe ret talpynys jasady. Alaıda ózge salalardaǵy jalaqynyń ósýi muǵalimderdiń jalaqysynyń ósýinen artyp otyrdy. Prezıdentimizdiń tamyz konferenııasynda bergen tapsyrmalarynyń aıasynda, aldaǵy 4 jyl kóleminde muǵalimderdiń jalaqysy eki ese artady. Demek, kelesi jyldan bastap pedagogtardyń jalaqysy 25 paıyzǵa artady», - deıdi mınıstr.

Sonymen qatar ol zań jobasynda muǵalimderge óziniń quziretin arttyrýǵa baǵyttalǵan materıaldyq ynatalandyrý normalary qarastyrylǵanyn jetkizdi.

«Synyp jetekshiligi men dápter teksergeni úshin eki ese ústemaqy, pedagogıkalyq sheberligi úshin ústemaqy, barlyq pedagog úshin eńbek demalysy merziminiń 56 kúnge deıin uzartylýy, tálimgerligi úshin ústemaqy jáne basqa da sharalar muǵalimder úshin negizgi materıaldyq yntalandyrý bolady», - deıdi Aımaǵambetov.

Mınıstrdiń sózinshe, sonymen qatar mektepterdegi pedagogtardyń áleýetiniń sapasyn arttyrýǵa yntalandyrý maqsatynda, magıstr dárejesi ıegerlerine 10 AEK kóleminde (25 250 teńge) ústemaqy taǵaıyndaý qarastyrylyp otyr.

Sońǵy jańalyqtar