17 Qyrkúıek, 14:38 468 0 Sport Anar LEPESOVA

Qanattyń kelesi qarsylasy kim?

Qazaqstandyq boksshy Qanat Islamnyń 26 qazanda Almaty qalasynda ótetin kásipqoı boks keshindegi qarsylasy anyqtaldy.

«Qazaq promotions» kompanııasynyń instagram paraqshasynda habarlanǵandaı, Qanat Islam (26-0, 21 KO) kelesi jekpe-jekte Ýolter Kaýtondokvamen (18-1, 17 KO) kezdesedi. «Kezdesýde Qanat Islamǵa tıesili birinshi orta salmaqta WBO International chempıon ataǵy sarapqa salynady. Ýolter Kaýtondokva WBO nusqasy boıynsha TOP-10 boksshynyń tiziminde 10-shy orynda. 2018 jyly Ýolter Kaýtondokva WBO-nyń orta salmaqtaǵy chempıony Demetrıýs Andrademen (26-0, 17KO) kezdesken», - delingen habarlamada.

Eske sala ketsek, buǵan deıin Qanat Islam óziniń kelesi jekpe-jeginiń qashan ótetinin jarııalaǵan bolatyn. «Kelesi jekpe-jek 26 qazanǵa josparlandy. Oǵan jaýapkershilik te úlken. Osynda AQSh-tan meniń burynǵy promoýterim Nelson Lopes keldi. Sol kisiniń arqasynda men kásipqoı boksty bilip, tanydym. Amerıkada árdaıym qoldap júrdi. Almatyda baq synaǵymyz keledi. Maqsatymyz – elimizdi, ásem qalamyz ben onyń tabıǵatyn maqtanyshpen tanytý», - dedi boksshy YouTube-tegi Qazaq Promotion kanalynda jarııalanǵan vıdeoda.

Sońǵy jańalyqtar