17 Qyrkúıek, 14:32 407 0 Saıasat Anar LEPESOVA

Memleket basshysy Jaqsynyń eginshilerimen tildesti

Aqmola oblysyna jumys saparymen kelgen Qasym-Jomart Toqaev óńirdegi egin orý naýqanymen tanysty. Prezıdent Jaqsy aýdanyna soǵyp, qarapaıym sharýalarmen tildesti.

Qasym-Jomart Toqaevtyń shaǵyn ǵana eldi-mekenge at basyn burýynyń ózindik máni bar. Jaqsynyń uny, jarmasy, qurama jemi men et pen súti Qazaqstannan Qytaıǵa deıin, Aýǵanstan men TMD elderiniń tutynýshylaryna jaqsy tanys. Memleket basshysy tanysqan «Aıbat» sharýashylyǵynyń 17 myń gektarynyń barlyǵy ıfrlandyrylǵan. Jerdi tıimdi ıgerýmen qatar, Jaqsy aýdanynda óńdeý isi oń jolǵa qoıylǵan. Prezıdent memlekettiń aýyl sharýashylyǵy salasyna berip otyrǵan qarjylaı demeýi naqty nátıje berýi kerektigin aıtty.

Aýyl sharýashylyǵy ónimderiniń óńdelýin qolǵa alyp, daıyn ónim shyǵarý, aýylda jumys oryndaryn kóbeıtý týraly Memleket basshysynyń halyqqa joldaýynda erekshe mán berilgen edi. Jaqsy aýdany osy mindetterdi nátıjeli iske asyryp otyrǵan aımaqtyń biri. Aýyl astyqtyń ǵana ordasy emes, chempıondardyń da besigi. Egin alqabynan keıin Prezıdent jergilikti sport mektebine soǵyp, Qazaqstannyń eń iri astyq qoımalyrynyń biriniń jumysymen tanysty. Jaqsy elevatorynyń 300 myń tonna astyq saqtaıtyn qýaty bar. Kúnine 520 tonna un 240 tonna qurama jem jáne 30 tonna jarma óndiredi.

Sońǵy jańalyqtar