17 Qyrkúıek, 12:32 402 0 Jańalyqtar Anar LEPESOVA

Beıjińge attanǵan ushaqtyń áýejaıǵa qaıtyp oralý sebebi anyqtaldy

Nur-Sultan – Beıjiń baǵytynda jolǵa shyqqan Aibus A321neo ushaǵynyń nelikten áýejaıǵa qaıtyp oralǵany anyqtaldy. «Eır Astana» kompanııasynyń baspasóz qyzmetiniń habarlaýynsha, ushaqtyń qozǵaltqyshynan aqaý shyqqan. 

«Ushaq áýege kóterilgennen keıin belgi berý júıesi iske qosylyp, qozǵaltqyshtan aqaý shyqqany týraly habar túsirgen. Qaýipsizdik nusqaýlyǵyna sáıkes, ekıpaj áýejaıǵa qaıtyp, aqaýdy joıý kerek degen sheshim qabyldaǵan. Ushaq shtattyq rejımde qondy», - delingen áýe kompanııasynyń baspasóz qyzmeti taratqan aqparatta.

Ushaqta bolǵan 128 jolaýshy jergilikti ýaqyt boıynsha saǵat 4.00-de basqa reıspen saparlaryn jalǵastyrǵan. «Áýe kompanııasy jaǵdaıdy naqtylaý úshin ushaq óndirýshisine resmı saýal joldady. Qaýipsizdik – biz úshin negizgi basymdyq», – delingen kompanııanyń málimetinde.

Sońǵy jańalyqtar