17 Qyrkúıek, 10:26 482 0 Rýhanııat Anar LEPESOVA

Atyraýda Hıýaz Dospanovanyń eskertkishi boı kóterdi

Atyraýda qazaqtyń tuńǵysh ushqysh qyzy, Halyq qaharmany Hıýaz Dospanovaǵa eskertkish qoıyldy. Qazaqtyń qaharman qyzynyń erligine bas ıgen jerlesteriniń bastamasymen eskertkish qaladaǵy halyqaralyq áýejaı alańynda boı kóterdi.

Qazaqtyń tuńǵysh ushqysh qyzyna arnalǵan eskertkishtiń saltanatty ashylýyna Atyraý oblysynyń ákimi Nurlan Noǵaev pen elimizdiń ár óńirinen kelgen zııaly qaýym ókilderi qatysty.

«El basyna kún týǵan sátte er azamattarmen birge sapqa turdy. Mánshúk, Álııa, Hıýaz. Eshkim olardy mindettemedi. Júrek qalaýymen eldiń bolashaǵy úshin óz ómirin qurban etti. Qazirgi tańda Elbasynyń tapsyrmasymen eldiń damý strategııasynda kórsetilgen mejelerdiń biregeıi – áıel qaýymyna úlken qurmet kórsetý. Sondyqtan da búgingi saltanatty shara barsha analarymyzǵa, qazaq qyzdaryna sonyń ishinde biregeıi – Hıýaz Dospanovaǵa qurmet», – dedi Atyraý oblysynyń ákimi Nurlan Noǵaev.

Atyraý Halyqaralyq áýejaıyna ornalasqan eskertkishtiń bıiktigi – 2 metr 30 santımetr. Qoladan quıylǵan eskertkishte Hıýaz Dospanovanyń soǵysqa attanǵan boıjetken qalpy saqtalǵan.

Sońǵy jańalyqtar