16 Qyrkúıek, 17:22 412 0 Áleýmet Anar LEPESOVA

Shamalǵandaǵy shý: Kópir qashan salynady?

Shamalǵandyqtardyń narazylyǵynan keıin Qazaqstannyń ındýstrııa jáne ınfraqurylymdyq damý mınıstri Roman Sklıar Almaty-Shamalǵan ótkeline jaqyn jerde kópir salynatynyn málimdedi.

Ortalyq kommýnıkaııalar qyzmetiniń brıfınginde Roman Sklıar kópirdiń jobalanýy men qurylysyn kelesi jyly bastaý josparlanyp otyrǵanyn aıtty.«Alaıda dál osy jerde, dál sol ótkelde salynbaıdy. Odan sál qashyqtaý jerde salynatyn bolady», - deıdi mınıstr.

Indýstrııa mınıstri qaıǵyly jaǵdaı oryn alǵan jerde kópir salý múmkin emestigin aıtty. Sebebi onda turǵyn úıler kóp, kópir salǵan jaǵdaıda olardy súrý kerek bolady.

«Dál osy jerde kópir salý úshin shamamen 70 jekemenshik úı men eki janarmaı beketin súrý kerek bolady. Ol bıýdjette úlken shyǵynǵa alyp keledi. Sondyqtan ótkel qosymsha quraldarmen jabdyqtaldy. Tek kúzet dabyldatpasy emes, sonymen qatar kólikterdiń ótýine jol bermeıtin qosymsha bógeýler ornatyldy», - deıdi Sklıar.

Óz sózinde Roman Sklıar ázirge kópirdiń naqty qaı jerden salynatyny anyqtalmaǵanyn aıtty. Al kópirdiń jobalanýyna 3-4 aı qajet kórinedi.

Aıta keteıik, keshe Aqseńgir-Shamalǵan ótkelinde jantúrshigerlik jol apaty oryn aldy. Avtobýs júrgizýshisi sıgnaldarǵa qaramastan temirjolǵa shyǵyp ketken. Saldarynan úlken jyldamdyqpen kele jatqan poıyz avtobýsty qaǵyp ketti. Oqıǵa ornynda bir adam qaza taýyp, toǵyz adam jaraqat aldy.

Sońǵy jańalyqtar