16 Qyrkúıek, 17:08 442 0 Áleýmet Anar LEPESOVA

Jantúrshigerlik apat: Aqtóbede jol boıynda 4 adam tirideı janyp ketti

Aqtóbe oblysynda jantúrshigerlik jol-kólik oqıǵasy boldy. Apat saldarynan alty adam qaza tapqan.  Onyń tórteýi tirideı janyp ketti. Bul týraly oblystyq PD baspasóz qyzmeti habarlady.

Tótenshe jaǵdaı 16 qyrkúıekte 3:45-te Samara - Shymkent tasjolynyń 934-shaqyrymynda Áıteke bı aýdany Belqopa aýylyna jaqyn mańda bolǵan. Mazda Cronos markaly avtokóliktiń júrgizýshisi Aqtóbe baǵytynda ketip bara jatyp, joldyń qarsy betine ótip ketip, Opel Vectra avtokóligimen soqtyǵysqan. Soqqy saldarynan Mazda kóliginde órt shyqqan: gaz ballon agregaty jarylǵan. Jol-kólik oqıǵasy saldarynan Opel Vectra avtokóliginiń júrgiýshisi Áıteke bı aýdandyq Ortalyq aýrýhanasyna jetkizildi, al onyń jary men uly oqıǵa ornynda qaza tapty. Mazda júrgizýshisi, onyń jary, uly men nemeresi kólik salonynda janyp ketti.

«Osy derekke qatysty sotqa deıingi tergeý sharalary QR qylmystyq kodeksiniń 345-baby 4-bóligi boıynsha júrip jatyr», - delingen habarlamada.

Sońǵy jańalyqtar