16 Qyrkúıek, 16:54 414 0 Jahan Anar LEPESOVA

Munaı baǵasy kúrt qymbattady

Álemdik naryqta qara altyn baǵasy qymbattady. Vrent markaly munaı barreline 70 dollarǵa jetti. Janarmaı fıýchersiniń ósimi 20 proentti qurady. Mamandar mundaı ósim sońǵy 30 jylda bolmaǵanyn alǵa tartyp otyr. 

Baǵanyń bulaı kúrt qubylýyna Saýd Arabııasynynyń munaı óndirisin qysqartýy sebep bolǵan. Aıta keteıik, senbi kúni ARAMSO kompanııasynyń Abkaık pen Hýraısta ornalasqan zaýyttaryna dronmen shabýyl jasaldy. Saldarynan qýattylyǵy tómendep, munaı óndirýin táýligine 5 jarym mln barrelge deıin tómendetken. Endi naryqtaǵy otyn tapshylyǵyn AQSh tarapy qamtamasyz etemiz dep otyr. Prezıdent Tramptyń aıtýynsha, ol amerıkalyq qordaǵy qara altyndy satylymǵa shyǵarady.

«Munaı baǵasymen birge oǵan qatysy bar kásiporyndardyń akııalary da qymbattaıdy. Al áýe jáne teńiz kompanııalary shyǵynǵa batady. Qordaǵy shıkizat quny arta túsedi. Bul oraıda munaı tasymaldaıtyn elderge ekonomıkalyq qysym bolmaq. Sebebi tasymaldaý aqysy qymbattaıdy. Saýd Arabııasy ózderiniń munaı óndirisin qorǵaı almaı, hýsıtter shabýylyn jalǵastyrsa, álem ekonomıkasy zardap shegedi. Bul jahan úshin óte qaýipti», – deıdi sarapshysy Fransıs Lýn.

Sońǵy jańalyqtar