16 Qyrkúıek, 11:59 444 0 Qaýipsizdik Anar LEPESOVA

Jyl basynan beri óndiriste 848 adam zardap shekti

Jyl basynan beri respýblıka kásiporyndarynda 757 jazataıym oqıǵa tirkeldi, dep habarlaıdy Eńbek jáne halyqty áleýmettik qorǵaý mınıstrliginiń baspasóz qyzmeti.

«Bıylǵy 1 qyrkúıektegi jaǵdaı boıynsha respýblıka kásiporyndarynda 757 jazataıym oqıǵa oryn alyp, sonyń saldarynan 848 adam zardap shekti. Bul kórsetkish ótken jyldyń sáıkes kezeńinen 13 paıyzǵa tómen (2018 jyldyń 8 aıynda – 975 adam). Jazataıym oqıǵalardan 95 adam qaza tapty, bul ótken jyldyń sáıkes kezeńinen 28 paıyzǵa tómen (2018 jyly-133 adam)», - delingen vedomstvo málimetinde.

Aıta keteıik, jaraqattanýdyń ósýi ótken jyldyń sáıkes kezeńimen salystyrǵanda Jambyl, Aqtóbe, Aqmola, Almaty oblystarynda, sondaı-aq Almaty qalasynda baıqalady. Pavlodar oblysynda ólim-jitim jaǵdaılarynyń sany artty. 2019 jyldyń birinshi jartyjyldyǵynyń qorytyndysy boıynsha ekonomıka salalary boıynsha zardap shekkenderdiń eń kóbi taý-ken metallýrgııa kesheni kásiporyndarynda (96 adam nemese 15%) jáne qurylys salasynda( 65 adam nemese 10%) tirkeldi.

Keıbir kásiporyndarda eki jáne odan da kóp jazataıym oqıǵalary oryn alǵandyǵyn aıta ketý kerek: («ArselorMıttal Temirtaý» AQ – 20, «Qazaqmys korporaııasy» JShS – 11 (Qaraǵandy oblysy), «Kazınk» JShS – 15, «Shyǵystústimet» JShS – 6 (ShQO), «Ekibastuz GRES-1» JShS – 3, «Alıýmınıı Kazahstana» AQ – 2 (Pavlodar oblysy), «SSKÓB» AQ - 4, «Baıan Sulý» AQ - 2 (Qostanaı oblysy).

QR Bas memlekettik eńbek ınspektory Tólegen Ospanqulovtyń aıtýynsha, jazataıym oqıǵalardyń negizgi sebepteri arasynda jumys óndirisin tıisti deńgeıde emes uıymdastyrý, qaýipsiz eńbek tásilderin oqytýdaǵy kemshilikter, eńbek qaýipsizdigi jáne eńbekti qorǵaý erejelerin buzý anyqtaldy.

Sońǵy jańalyqtar