16 Qyrkúıek, 11:26 405 0 Jahan Anar LEPESOVA

Aq úı Hamza ben Ladenniń óltirilgenin rastady

«Ál-Qaıda»lańkestik uıymynyń negizin qalaýshy Ýsama ben Ladenniń uly Hamza ben Laden AQSh-tyń júrgizgen arnaıy operaııalary barysynda óltirildi. Buqaralyq aqparat quraldarynda taraǵan bul aqparatty Aq úı rastady.

«Ál-Qaıda»* jetekshiligine kiretin Hamza ben Laden Pákistan men Aýǵanstan shekarasyna jaqyn aýmaqta óltirilgen. Operaııanyń qashan, qaıda jáne qalaı bolǵandyǵy týraly habar joq.

Aq úı jarııalaǵan málimdemede Hamza ben Ladenniń óltirilýi «Ál-Qaıdanyń»* jetekshi pozıııasyn álsiretip qana qoımaı, lańkestik uıymnyń ózge de lańkestik toptarmen baılanysyna kedergi keltiretini jazylǵan.

Osy jyly AQSh Memlekettik departamenti Hamza ben Laden týraly aqparat beretin adamǵa mıllıon dollar kóleminde syıaqy taǵaıyndaıtyndaryn habarlaǵan edi. Ol bolsa, AQSh pen onyń odaqtastaryna shabýyl jasaýǵa shaqyryp, ǵalamtorǵa aýdıojazbalar men beınematerıaldar júktedi. Ýsama ben Ladendi resmı Vashıngton 2001 jyly AQSh tarıhynda bolǵan eń iri lańkestik áreketke aıypty dep sanaıdy. «Ál-Qaıda»* basshysy 2011 jyly Pákistanda óltirildi.

Sońǵy jańalyqtar