16 Qyrkúıek, 10:53 423 0 Jańalyqtar Anar LEPESOVA

Shamalǵandaǵy apat: Avtobýs jolaýshylary qalaı aman qalǵandaryn aıtyp berdi

Shamalǵan statııasyndaǵy apat kezinde avtobýs ishinde bolǵan jolaýshylar qalaı aman qalǵandaryn aıtyp berdi, dep habarlaıdy «Almaty» telearnasy.

"Men avtobýstyń artynda otyrdym. Salon lyq tola boldy. Poıyz jaqyndap qaldy, al biz áli ishte otyrmyz. Bári esikti ash, esikti ash dep aıqaılady", - deıdi avtobýs jolaýshysy.

Onyń sózine qaraǵanda, poıyz avtobýsqa jaqyndaı bastaǵan kezde júrgizýshiniń ózi úreılenip, abdyrap qalǵan. Ol artqy esikti ashqan, jolaýshylar syrtqa shyǵyp úlgergen, al júrgizýshiniń ózi shyǵa almaǵan.

Jolaýshylardyń aıtýynsha, apatqa er adam kináli emes.

"Júrgizýshi kelgende aldy men artynda kólik keptelip turdy. Ortasynda qaldy, shyǵatyn jol joq", - deıdi olar.

Oqıǵa kýágerleri sondaı-aq temirjol ótkelinde mundaı keptelister kún saıyn bolatynyn habarlady.

Ishki ister mınıstrligi baspasóz qyzmetiniń habarlaýynsha, Qylmystyq kodekstiń 344-baby 2-tarmaǵy "Temirjol, áýe, teńiz nemese ózen kóligimen júrý nemese paıdalaný qaýipsizdigi erejelerin buzý" boıynsha tergeý júrgizilip jatyr.

Bul bap boıynsha kináli jeti jylǵa deıin bas bostandyǵynan aıyrylady.

Esterińizge salaıyq, apat keshe, 15 qyrkúıekte saǵat 19.08-de Almaty-Shamalǵan aralyǵyndaǵy retteletin temirjol ótkelinde bolǵan. № 43 Almaty-Qostanaı poıyzy "Setra" jolaýshylar avtobýsymen soqtyǵysty.

Apat saldarynan avtobýs júrgizýshisi oqıǵa ornynda kóz jumdy, avtobýstyń úsh jolaýshysy aýrýhanada aýyr halde jatyr.

 

Sońǵy jańalyqtar