16 Qyrkúıek, 10:38 408 0 Áleýmet Anar LEPESOVA

Temirjoldaǵy apattan zardap shekkenderdiń jaǵdaıy aýyr

Almaty oblysynyń densaýlyq saqtaý basqarmasy basshysynyń orynbasary Ómirzaq Nııazbekov Shamalǵan stanııasynda poıyz ben avtobýstyń soqtyǵysýynan zardap shekkenderdiń jaǵdaıy týraly málimet berdi.  

Nııazbekovtyń aıtýynsha, oqıǵa ornyna 11 jedel járdem brıgadasy jáne bir QR IIM TJK brıgadasy barǵan. Zardap shekkenderdi Qarasaı aýdandyq ortalyq aýrýhanaǵa jetkizdi. "Eki jáne bes jasar qyzdar men olardyń anasy (1986 jylǵy) aýrýhanaǵa jetkizildi. Balalardyń jaǵdaıy asa aýyr. Úlken qyzyna ota jasaldy. Jaraqaty aýyr. Balany ókpe jeldetý qurylǵysyna jalǵaǵan", - dedi ol.

Onyń aıtýynsha, ekinshi qyzdyń da jaǵdaıy tym aýyr. Bas súıegine zaqym kelgen. Ol da ókpe jeldetý qurylǵysyna jalǵanǵan. Áıeldiń oń ıyǵy synǵan, tórt qabyrǵasy, buǵanasy synǵan. Balalar jasandy komaǵa tústi. "Úsheýine de bas saúıek mıyna kompıýterlik tomografııa jasaldy. Anasynan isikti alyp tastadyq. Qazirgi ýaqytta oǵan jansaqtaý bóliminde emdeý sharalary júrgizilip jatyr", - dedi Nııazbekov.

Basqarma basshysynyń orynbasary osy isti Almaty oblysynyń ákimi Amandyq Batalov óz baqylaýyna alǵanyn aıtty.

Eske salaıyq, tótenshe jaǵdaı "Ekaterınbýrg-Almaty" tasjolynyń 2449-shaqyrymynda Shamalǵan stanııasynda 15 qyrkúıekte saǵat shamamen 19.20-da bolǵan. Avtobýs júrgizýshisi dabylǵa qaramastan temirjolǵa ótip ketken. Nátıjesinde avtobýs poıyzben soqtyǵysqan. Apat saldarynan avtobýs júrgizýshisi qaza taýyp, úsh adam jansaqtaý bóliminde jatyr.

Sońǵy jańalyqtar