15 Qyrkúıek, 16:57 483 0 Zań Anar LEPESOVA

Elordada halyqaralyq izdeýde júrgen ózbekstandyq ustaldy

Nur-Sultanda halyqaralyq izdeýde júrgen ózbekstandyq azamat qolǵa tústi, dep habarlaıdy QR IIM baspasóz qyzmeti.

Elorda polıeıleri «Zańsyz kelýshi-Arna-Mıgrant» jedel aldyn alý is-sharasynyń nátıjelerin shyǵardy.

«Is-shara 9 qyrkúıekten bastap ótkizildi jáne kóshi-qon zańnamasyn buzýdy anyqtaýǵa, zańsyz kóshi-qon arnalarynyń jolyn kesýge, tıisti ruqsat qujattarynsyz eńbek qyzmetin júzege asyrýshy kóship-qonýshylardy tekserýge, izdeýde júrgen adamdardy anyqtaýǵa jáne ustaýǵa baǵyttaldy», - delingen departamenttiń aqparatynda.

Jedel aldyn alý is-sharasy barysynda kóshi-qon qyzmetiniń qyzmetkerleri halyqaralyq izdeýde júrgen 32 jastaǵy Ózbekstan azamatyn ustady. Anyqtalǵandaı, osy jyldyń sáýir aıynan bastap er adam Sankt-Peterbýrg qalasynyń aýmaǵynda densaýlyqqa qasaqana aýyr zııan keltirgeni úshin izdestirilýde júrgen. Sonymen qatar operaııa barysynda polıeıler sot sheshimin oryndamaǵany úshin 23 jastaǵy Ózbekstan Respýblıkasynyń azamatyna qatysty qylmystyq is qozǵady. Ol qańtar aıynda Qazaqstan Respýblıkasynyń sheginen ákimshilik jolmen shyǵaryp jiberý túrindegi jaýaptylyqqa tartylǵan. Alaıda búgingi kúnge deıin ol sot sheshimin oryndamaǵan.

«Zańsyz kelýshi-Arna-Mıgrant» jedel aldyn alý is-sharasy barysynda barlyǵy 900-den asa kóshi-qon salasyndaǵy ákimshilik zańnamany buzýshylyq anyqtaldy. Onyń ishinde 900-ge jýyq sheteldik azamat respýblıkada bolý qaǵıdasyn buzǵany úshin ákimshilik jaýaptylyqqa tartylyp, 200 sheteldik azamatqa qatysty QR aýmaǵynda bolý merzimin qysqartý týraly sheshim qabyldanǵan.

Sońǵy jańalyqtar