13 Qyrkúıek, 15:13 518 0 Saıasat Anar LEPESOVA

Elbasy "Astana" qarjy ortalyǵynyń jumysyn baǵalady

Elbasy Nursultan Nazarbaevqa «EKSPO-2017» kórmesiniń muralary jáne AHQO quqyqtyq júıesin damytý boıynsha qabyldanǵan sharalar týraly baıandaldy.

Sonymen qatar, Elbasyna AHQO Soty, Aǵylshyn quqyǵy akademııasy, Halyqaralyq tórelik ortalyǵy jáne AHQO Ahýaldyq ortalyǵynyń qyzmeti týraly málimet berildi.

Sondaı-aq, Qazaqstannyń Tuńǵysh Prezıdenti qarjy ortalyǵy Bırjasynyń negizgi akıonerleri jáne qatysýshylarymen kezdesti.

Spıkerlerdiń baıandamasyn tyńdaǵan soń Nursultan Nazarbaev el basshylyǵynyń AHQO qyzmetin tolyq qoldaıtyndyǵyn atap ótti.

– Jekeshelendirý josparyn AHQO Bırjasy arqyly iske asyrýdy jalǵastyrý qajet. Árıne, álemdik naryq ahýalyn eskergen jón. Sonymen qatar, álemniń halyqaralyq qarjy ortalyqtarynyń AHQO-ǵa degen senimin kúsheıtý kerek. Ulttyq ekonomıkaǵa tartylatyn qarjy resýrstarynyń mólsheri osyǵan baılanysty, ­- dedi Elbasy.

Qazaqstannyń Tuńǵysh Prezıdenti ekonomıkalyq ósimniń joǵary qarqynyn qamtamasyz etýdiń jáne eldiń strategııalyq damý josparlaryna qol jetkizýdiń mańyzdylyǵyn atap ótti.

– Alda ortalyqty aýqymdy jumys kútip tur. Barlyq seriktestermen qalyptasqan is-qımyldy jalǵastyrý mańyzdy. Men AHQO jumysyn udaıy qoldaıtyn bolamyn, - dedi Nursultan Nazarbaev.

Sońǵy jańalyqtar