13 Qyrkúıek, 10:34 456 0 Zań Anar LEPESOVA

Poıyz júrisin toqtatqandar aıyppul arqalaıdy

«Jolaýshylar tasymaly» AQ Qazaqstan Respýblıkasynyń Ákimshilik quqyq buzýshylyq kodeksine silteme jasaı otyryp, júk vagondarynda zańsyz jol júrgeni úshin, poıyzdyń qozǵalys kezinde oǵan otyrý jáne odan túsý, basqysh pen vagon ústinde júrý, zańsyz poıyz júrisin toqtatqany úshin 5 aılyq eseptik kórsetkish mólsherinde aıyppul salynatyny týraly eskertedi, dep habarlaıdy «Jolaýshylar tasymaly» AQ baspasóz ortalyǵy.

Sondaı-aq vagon terezesi men esikterinen qoqys tastaǵany jáne qozǵalys kezinde vagon esikterin ashqany úshin 3 aılyq eseptik kórsetkish mólsherinde aıyppul salynady.

Aǵymdaǵy jyldyń alǵashqy 8 aıynda Kompanııaǵa qarasty poıyz baǵyttarynda 91 ret stop (toqtatý) kranynyń julynǵany anyqtaldy. Onyń 27-si jolaýshylardyń uqypsyzdyq saldarynan, 14 ret – poıyzǵa keshikkendikten, al 5 ret jolaýshylardyń jolda densaýlyqtarynyń nasharlaýyna qatysty julynǵan.

Sol sııaqty 8 ret shoıyn jol ústindegi bógde adamdardyń ómirine qaýip tóngen kezde jáne de stansaǵa toqtaǵan ýaqytta jolaýshylardyń túsip úlgermegen sátte 6 ret, sonymen birge 3 ret mas jolaýshylar men shyǵaryp salýshylardyń kesirinen poıyz júrisi toqtatylǵan. Ulttyq tasymaldaýshy óz jolaýshylaryna jolda óte muqııat bolyp, tasymaldaý erejelerin qatań saqtaýlaryn suraıdy.

 

Sońǵy jańalyqtar