13 Qyrkúıek, 10:23 471 0 Qoǵam Dınara MYŃJASARQYZY

Janseıit Túımebaev: Assambleıa naqty mindetterdi júzege asyrady

Qazaqstan halqy Assambleıasy Almaty qalasynyń respýblıkalyq Dostyq úıinde Prezıdent Q.Toqaevtyń "Syndarly qoǵamdyq dıalog – Qazaqstannyń turaqtylyǵy men órkendeýiniń negizi" atty Qazaqstan halqyna Joldaýyn túsindirýge jáne Joldaýdy iske asyrýdaǵy Qazaqstan halqy Assambleıasynyń róli men mindetterin talqylaýǵa arnalǵan dóńgelek ústel ótkizdi.

Jıynǵa QHA Tóraǵasynyń orynbasary – Hatshylyq meńgerýshisi J.Q.Túımebaev, QHA Tóraǵasynyń orynbasary Iý.H.Kelıgov, QR Parlament Májilisiniń depýtaty A.S.Mýradov, Almaty qalasynyń máslıhat depýtattary, respýblıkalyq etnomádenı birlestikter jetekshileri men músheleri, Qazaqstan halqy Assambleıasynyń músheleri;  zııaly qaýym ókilderi; Almaty q. JOO-nyń professorlyq-oqytýshy quramy men stýdentter jáne BAQ ókilderi qatysty.

Qazaqstan halqy Assambleıasy Tóraǵasynyń orynbasary J.Túımebaev óz sózinde «Memleket basshysy Joldaýda birqatar mańyzdy baǵyttarǵa basa mán berýimiz kerek ekendigin atap ótti. Osy tapsyrmalardyń negizinde naqty mindetter aıqyndaldy. Jaqynda ǵana Joldaýdy oryndaýǵa baǵyttalǵan Jalpyulttyq is-shara jospary qabyldandy. Bizdiń jıynymyz osy Joldaýdy talqylaýǵa jáne onda alǵa qoıylǵan mindetterdi iske asyrýǵa Assambleıanyń etnomádenı uıymdarynyń qatysýy máselelerine arnalǵan» dep atap ótti.

Aldaǵy ýaqytta Joldaýdy qoldaý Qazaqstan halqy Assambleıasy qyzmetiniń basty baǵyttarynyń biri bolyp tabylatynyn, QHA-nyń barlyq qurylymdary Prezıdenttiń bastamalaryn ilgeriletý men túsindirýge, sondaı-aq jańa mindetterdi iske asyrýǵa belsendi túrde qosylatynyn jetkizdi.

«Jaqynda Joldaýdy oryndaýǵa baǵyttalǵan Jalpyulttyq is-shara jospary qabyldandy. Munda Memleket basshysy barlyǵy 81 mindet júktedi. Sonyń ishinde Assambleıa bes tapsyrmadan týyndaıtyn mindetterdi júzege asyrýǵa atsalysatyn bolady.

Bul azamattyq qoǵamdy damytý Tujyrymdamasy aıasynda úkimettik emes uıymdardyń rólin arttyrý, qoǵamda kóppartııalylyqty, saıası básekelestik pen pikir árýalandyǵyn damytý, Tilderdi qoldaný men damytýdyń memlekettik baǵdarlamasy aıasynda memlekettik tildiń etnıkaaralyq kommýnıkaııa tili retinde rólin bekitý jónindegi sharalardy anyqtaý, Ábý Nasyr ál-Farabıdiń 1150 jyldyq, uly Abaıdyń 175 jyldyq mereıtoılaryn jáne Qazaqstan Táýelsizdiginiń 30 jyldyǵyn atap ótýge baılanysty daıyndyq jumystarynyń Jalpyrespýblıkalyq josparyn ázirlep, bekitý sekildi aýqymdy sharalar», – dedi Janseıit Qanseıituly.

Sondaı-aq, jıynda Assambleıa Tóraǵasynyń orynbasary Iýsýp Kelıgov, «Vaınah» qaýymdastyǵynyń teń tóraǵasy Sultan Ozdoev, «Qazaqstandyq orys mádenı ortalyǵy» qoǵamdyq birlestiginiń tóraǵasy Vsevolod Lýkashev, QHA janyndaǵy ǵylymı-sarapshylyq tobynyń múshesi, professor Mendyganym Shaımerdenova Joldaýǵa qatysty óz oılaryn ortaǵa saldy.

Dóńgelek ústel basyndaǵy keleli kezdesýdi qorytyndylaý kezinde J.Túımebaev Memleket basshysynyń bılik pen qoǵam arasynda ashyq dıalog arqyly turaqty damýshy memleket qurý jónindegi tapsyrmasyna barlyq aımaqtaǵy memlekettik mekemeler ǵana emes, halyqpen qoıan-qoltyq jumys jasaıtyn qoǵamdyq uıymdar men birlestikter de ún qosýy kerektigin eske saldy.
Sonymen qatar, Dostyq úıinde «Qazaqstan vaınahtary: Birlik pen jasampazdyq» atty Qazaqstannyń sheshen jáne ıngýsh etnostarynyń mádenıet jáne salt-dástúr kúnine arnalǵan merekelik is-shara júzege asty.
Qazaqstan halqy Assambleıasy Tóraǵasynyń orynbasary J.Túımebaev sheshen men ıngýsh etnostarynyń mádenıeti men salt-dástúrleri kúnimen quttyqtaı otyryp:

«Sheshender men ıngýshtar – Uly Dalany meken etken basqa etnostardyń barlyǵymen terezesi teń  halyq. Sizderdiń salt-dástúrge adal, namysty, qaısar, ul-qyzdaryńyzdy, memleket jáne qoǵam qaıratkerlerin, Qazaqstan namysyn qorǵap júrgen sportshylar men ónerpazdardy barsha qazaqstandyqtar maqtan etedi.  Vaınah pen qazaq halqynyń arasyndaǵy dostyq baýyrlastyqqa ulasyp ketken. Bizdiń dostyǵymyz talaı synnan ótip, shyńdalǵanyna saıası qýǵynǵa ushyraǵan sheshen-ıngýshtardyń kúshtep jer aýdarylǵanyna 75 jyl tolýyn atap ótý barysynda taǵy da kóz jetkizdik», - dedi.

Baǵdarlama ary qaraı «Qazaqstannyń sheshen jáne ıngýshtardyń tarıhı-mádenı ómiri» atty kitap kórmesi jáne fotokórmesimen jalǵasty.  Sondaı-aq qoldanbaly óner kórmesinde kóne turmystyq zattar men mýzyka aspaptary kórsetildi. Sonymen qatar, sheshen jáne ıngýshtardyń «Dostyq dastarhany» atty taǵamdar kórmesiniń ulttyq ashanasynyń degýstaııasy men olardy daıyndaýdyń sheberlik synyptary uıymdastyryldy.

Merekelik shara Qazaqstannyń sheshen jáne ıngýshtardyń «Vaınah» qaýymdastyǵynyń shyǵarmashylyq ujymdary daıyndaǵan konerttik baǵdarlamamen aıaqtaldy.

Sońǵy jańalyqtar