12 Qyrkúıek, 11:24 397 0 Jańalyqtar Túrkistan Gazeti

Memleket basshysy QHR Búkilqytaılyq halyq ókilderi jıyny turaqty komıtetiniń Tóraǵasymen kezdesti

Kezdesý barysynda Qazaqstan men Qytaıdyń parlamentaralyq yntymaqtastyǵy jaıy talqylandy. Eki tarapta atalmysh qarym-qatynastyń jumysyn oń baǵalady. Bul týraly Aqordanyń baspasóz qyzmeti habarlady.

Qasym-Jomart Toqaev Lı Chjanshýdy QHR-dyń 70 jyldyq merekesimen quttyqtap, Qytaıǵa memlekettik sapary barysynda jasalǵan ózara tıimdi ýaǵdalastyqtar jóninde aıtty.

– Keshegi kelissózder sátti ótti. Qytaı Qazaqstannyń úlken kórshisi. Sondyqtan biz eki el arasyndaǵy jan-jaqty yntymaqtastyǵymyzdy eskere otyryp, Tóraǵa Sı zınpınmen Birlesken málimdemege qol qoıdyq. Onda bizdiń áriptestigimiz strategııalyq jáne uzaq merzimdi mánge ıe ekeni kórsetilgen. Bul saparymnyń qorytyndylaryna qanaǵattanýǵa barlyq negiz bar,– dedi Prezıdent.

Memleket basshysy eki eldiń parlamentaralyq qarym-qatynastaryn odan ári nyǵaıtý perspektıvalary týraly aıta kelip, osy jyldyń qyrkúıeginde Nur-Sultan qalasynda ótetin Eýrazııa parlamentteri spıkerleri IV keńesiniń mańyzdylyǵyn da atap ótti.

– Sizdiń Qazaqstanǵa úsh ret kelgenińizdi bilemin. Jaqyn arada siz Qazaqstanǵa qaıta barasyz. Biraq bul saparyńyz Búkilqytaılyq halyq ókilderi jıyny turaqty komıtetiniń Tóraǵasy retinde bolatyndyqtan, onyń jóni de bólek bolmaq. Biz sizdiń saparyńyzdy zor yqylaspen kútemiz,– dedi Qasym-Jomart Toqaev.

Lı Chjanshý Qasym-Jomart Toqaevtyń Qazaqstan-Qytaı qarym-qatynastaryn damytýǵa qosqan eleýli úlesin atap ótip, onyń Sı zınpınmen kelissózderiniń nátıjeli ótkenine toqtaldy.

– Keshe Siz ben Tóraǵa Sı zınpınniń arasynda senimdi ári jemisti kelissózder boldy. Keń aýqymdy máseleler boıynsha pikir almasýlar ótti. Sonyń nátıjesinde Birlesken málimdemege qol qoıyldy. Onda eki kóshbasshy da taraptar strategııalyq áriptestikti damytady dep málimdedi. Osylaısha, sizdiń Qytaıǵa saparyńyz úlken jetistikpen aıaqtaldy. Al Qazaqstan-Qytaı qarym-qatynasy jańa tarıhı kezeńge ótti,– dedi Lı Chjanshý.

Sońǵy jańalyqtar