11 Qyrkúıek, 20:33 438 0 Jańalyqtar Túrkistan Gazeti

Prezıdent Qasym-Jomart Toqaev QHR Memlekettik keńesiniń Premeri Lı Keıanmen kezdesti

Bul týraly Aqordanyń baspasóz qyzmeti habarlady.

Memleket basshysy QHR Memlekettik keńesiniń Premerine qonaqjaılylyǵy men jyly qabyldaýy úshin alǵys bildirip, óziniń Qytaıǵa Qazaqstan Prezıdenti retindegi tuńǵysh sapary QHR-nyń qurylǵanyna 70 jyl tolýyna arnalǵan mereıtoımen tuspa-tus kelgenin atap ótti. Osy oraıly sátte, Qasym-Jomart Toqaev Lı Keıandy jáne dostas qytaı halqyn mereıli merekemen quttyqtady.

Qazaqstan Prezıdenti eki el arasyndaǵy qarym-qatynas qarqyndy damyp kele jatqanyn, ekijaqty áriptestik barysynda saýda-ekonomıkalyq, kóliktik-logıstıkalyq áleýette kóptegen nátıjelerge qol jetkenin aıtty. Memleket basshysy Qazaqstan men Qytaı arasyndaǵy saýda-ekonomıkalyq yntymaqtastyqtyń damýyna oń baǵa berdi.

Óz kezeginde Lı Keıan Qasym-Jomart Toqaevtyń QHR-ǵa sapary Qazaqstan-Qytaı baılanystaryn odan ári nyǵaıtýǵa zor septigin tıgizetinin atap ótti.

Sońǵy jańalyqtar