11 Qyrkúıek, 10:53 223 0 Jańalyqtar Túrkistan Gazeti

Sońǵy 8 aıda kómir óndirisi 3 paıyzǵa tómendedi

Bul týraly búgin Úkimet otyrysynda QR Ulttyq ekonomıka mınıstri Rýslan Dálenov aıtty.

«Ónerkásip óndirisi aǵymdaǵy jylǵy 8 aıda 3,2 paıyzǵa deıin jyldamdady. Ósý qarqyndary boıynsha óńdeý ónerkásibi ken óndirý ónerkásibinen ozyq. Óńdeý ónerkásibinde mashına jasaýda, jeńil ónerkásipte, sýsyndar óndirýde, farmaevtıkada eki mándi ulǵaıý baıqaldy. Ken óndirý ónerkásibinde ósý qarqyny 3,1 paıyzǵa deıin údedi. Negizinen metall kenin jáne munaı óndirýdi ulǵaıtý esebinen. Kómir óndirý boıynsha jaǵdaı aıtarlyqtaı jaǵymdy emes. Osy jylǵy qańtar-tamyzda óndiris kóleminiń qysqarýy jalǵasty. Tómendeý 3 paıyzdy qurady», - dedi Rýslan  Dálenov.

Onyń atap ótýinshe, qurylys sektory turaqty qarqynmen damyp keledi. Oryndalǵan jumystardyń kólemi 11,8 paıyzǵa ósti. Ónerkásip nysandaryn, avtomobıl joldaryn, gaz qubyrlaryn  salý jumystary ulǵaıdy. Sondaı-aq, iri zaýyttarda qurylys-montajdaý jumystary artty.

«Aýyl sharýashylyǵynda óndiris kólemi 3,6 paıyzǵa ulǵaıdy. Ósimdik sharýashylyǵy 3,9 paıyzǵa, mal sharýashylyǵy 3,5 paıyzǵa ósti. Aǵymdaǵy jylǵy 31 tamyzdaǵy jaǵdaı boıynsha dándi daqyldar sebý alańdarynyń 29,8 paıyzy jınaldy. Ónimdilik gektaryna 11,5  entnerdi qurady», - dedi mınıstr.

Tegter kómir

Sońǵy jańalyqtar