9 Qyrkúıek, 16:00 107 0 Jańalyqtar Túrkistan Gazeti

Baqyt Sultanov áleýmettik jelilerde belsendi bolmaq

QR Saýda jáne ıntegraııa mınıstri Baqyt Sultanov jaz aılarynda qandaı jumystarmen aınalysqany týraly aıtty.

«Keıingi kezde jańa qyzmetime baılanysty kóp issaparlarǵa bardym. Jańadan qurylǵan Saýda jáne ıntegraııa mınıstrligine qoıylǵan negizgi mindettemelerdiń biri – ol Qazaqstannyń taýarlaryn syrtqa eksporttalýyn ilgeriletý, sondaı-aq ishki naryqtaǵy saýda-sattyqtyń sapasyn arttyrý. Osy oraıda, qazaqstandyq óndirýshiler úshin kóp júrip, mańyzdy jumystar jasaıtyn bolamyz», - dedi mınıstr.

Budan bólek B. Sultanov vedomstvonyń jumys barysyn baıandaý boıynsha tilshiler qaýymymen jıi kezdesýge ýáde etti.

«Munymen qosa, áleýmettik jelilerdegi akkaýnttardyń jumysyn qaıtadan jandandyramyn dep ýáde bergim keledi. Jalpy, Memleket basshysynyń sheshimimen mınıstrlik ýaqtyly qurylyp otyr. Óıtkeni búginde syrtqy ekonomıkalarda bolyp jatqan oqıǵalarǵa baılanysty, sonyń ishinde «saýda soǵystary», ıntegraııalardaǵy ózgeristerge oraı qazaqstandyq taýarlardyń básekege qabilettiligin arttyrý men eksportty ulǵaıtý óte ózekti. Sondyqtan mınıstrliktiń jumysynda, ózimizdiń strategııamyzda atalǵan mindettemelerge aıryqsha mán berýdemiz», - dedi Baqyt Sultanov.

Sońǵy jańalyqtar