11 Qyrkúıek, 12:59 257 0 Aımaq Túrkistan International Political Weekly

Túrkistandaǵy alapat jarylys neden boldy?

"Túrkistanda alapat jarylys boldy" degen vıdeo men sýretter jelide tarap ketti. Oqıǵa ornynan 10 qyrkúıek kúni keshki ýaqytta kýágerler jarylys bolyp, artynsha órt shyqqanyn habarlap, vıdeo men sýretter joldaǵan.

Keıinirek Tótenshe jaǵdaılar jónindegi komıtettiń baspasóz qyzmeti atalǵan oqıǵa jaıly habar taratty. Olardyń málimetinshe, 19.00 shamasynda Bekzat Sattarhanov kóshesinde ornalasqan Royal Grand Hotel qonaqúıiniń terrıtorııasynda gaz ballondary tıelgen ZIL kóligi órtengen.

Dárigerler Túrkistanda jarylystan zardap shekkenderdiń jaǵdaıyn aıtty.

Túrkistan oblystyq densaýlyq saqtaý basqarmasy baspasóz qyzmetiniń málimetinshe, oqıǵa saldarynan 11 adam zardap shekken. 6 naýqasqa alǵashqy kómek kórsetildi jáne olar ambýlatorlyq emdeýge jiberilgen.

2019 jyly 10 qyrkúıekte Túrkistan qalalyq ortalyq aýrýhanasynyń travmatologııa bólimine 4 naýqas túsken, alaıda 11 qyrkúıekte taǵy bir adam tústi. Qazirgi ýaqytta aýrýhanaǵa jatqyzylǵandar sany - 5 adam. Olardyń jaǵdaıy orta deńgeıde.

 

Sońǵy jańalyqtar