11 Qyrkúıek, 10:29 250 0 Óner Túrkistan International Political Weekly

12 fılmdi memleket qarjylandyrmaq

QR Mádenıet jáne sport mınıstrligi memleket tarapynan óndirisine qarjylyq qoldaýǵa ıe bolǵan kınojobalardyń tizimin maquldady, dep habarlaıdy Ulttyq kınony qoldaý memlekettik ortalyǵy.

Esterińizge sala keteıik, 2019 jyldyń 28 tamyzynda Nur-Sultan qalasynda  ulttyq fılmderdi memlekettik qarjylyq qoldaý máseleleri jónindegi Vedomstvoaralyq komıssııanyń otyrysy ótti. Otyrysta Ulttyq kınony qoldaý memlekettik ortalyǵy uıymdastyrǵan birinshi irikteý baıqaýynyń qorytyndysy jasaldy.

Vedomstvoaralyq komıssııanyń quramyna QR Parlamentiniń depýtattary, Aqparat jáne qoǵamdyq damý, Bilim jáne ǵylym, Syrtqy ister, Qarjy, Ulttyq ekonomıka mınıstrlikteriniń,  Qazaqstandyq salalyq mádenıet, sport, týrızm jáne aqparat qyzmetkerleriniń kásiptik odaǵynyń ókilderi kiredi. Otyrys barysynda óndirisine qarjylyq qoldaý bildirý úshin Ulttyq kınony qoldaý memlekettik ortalyǵynyń Saraptama keńesi maquldaǵan 60 kınojoba týraly aqparat tyńdaldy.

Atalǵan tizimdegi kınojobalar - ulttyq fılm statýsy talabyna saı keletin, onyń ishinde, ulttyń rýhanı qajettilikterin qanaǵattandyratyn joǵary kórkemdik deńgeıli, memlekettiń ustanymyna saı keletin jáne onyń kıno óneri arqyly tanymaldylyǵyna yqpal etetin týyndylar.  Sonymen qatar, mańyzdy aspektilerdiń biri - kıno Qazaqstanda túsirilýi qajet, sonymen qatar otandyq kınokompanııalar basqa eldermen birlese de túsire alady.

Otyrys nátıjesinde 12 áleýmettik mańyzy bar fılm irikteldi.

Olar «Allaıa nıt sýdby»,  «Vozvraenıe ýchıtelıa» jáne «Týrkestan – vchera, segodnıa, zavtra» derekti fılmi men «Bokser», «Vremıa patrıotov», «Vybor», «Jızn», «Qajymuqan», «Obýchenıe Ademokı», «Na starte», «Tyrnalar», «Hardkor» kórkem kınojobalary.

Sonymen qatar, komıssııa músheleri «Ogon» debıýttik fılmin, «Aqyn» jáne «Slepaıa lıýbov» birlesken kınojobalary men «Kanıkýly offlaın-2», «Nartaı»,  «Spasenıe v stepı» kópshilik kórermen aýdıtorııasyna  arnalǵan fılmderin tańdady.

Maquldanǵan kınojobalar Mádenıet jáne sport mınıstrliginiń ulttyq fılmder óndirisiniń taqyryptyq josparyna enip, biryńǵaı operator – Ulttyq kınony qoldaý memlekettik ortalyǵy arqyly bıyl memleket tarapynan qarjylandyrylatyn bolady.

 

Sońǵy jańalyqtar