11 Qyrkúıek, 10:18 286 0 Jańalyqtar Túrkistan International Political Weekly

Túrkistanda jańa arbat

Túrkistanda jańa arbat ashyldy. Qala turǵyndary úshin salynǵan demalys ornynyń ashylý rásimine oblys ákimi Ómirzaq Shókeev pen qala ákimi Rashıd Aıýpov, Oblystyq aqsaqaldar alqasy men eńbek jáne soǵys ardagerleri,  qalalyq qoǵamdyq kelisim keńesiniń músheleri  qatysty. 

Halyq saıalaıtyn, taza aýamen tynystaıtyn demalys ornynyń ashylýyna qala turǵyndary men qonaqtary da kýá boldy. Oblys  ortalyǵyna aınalǵanyna bir jyldan asa ýaqyt ótken qalada búginde qanshama qurylys nysandary boı kóterip, jumys qarqyndy túrde júrip jatyr.

Al, arbat demalys orny halyqqa jaıly ári kórikti jerlerdiń biri bolmaq. Nysannyń ashylý saltanatynda oblys basshysy Ómirzaq Estaıuly quttyqtaý tilegin bildirip, qalanyń áli de qarqyndy damı túsetindigin atap ótti.

«Kúni búginge deıin, shaharǵa baılanysty qanshama memlekettik deńgeıdegi mańyzdy sharalar qaralyp, Prezıdentimizdiń tikeleı qamqorlyǵymen kóz toıarlyq ıgi ister atqarylyp keledi. Qanshama túrki tildes ult ókilderiniń de bir úıdiń adamdaryndaı tatý-tátti ǵumyr keship jatqandyǵy barshamyzdy qýantady», - dedi Ómirzaq Shókeev.

Saltanatty keshke kelgen halyq ártúrli  mýzykalyq asaptarda oınaǵan mýzykanttar men akterlerdiń ónerlerine tánti boldy. Arbattyń atmosferasyn kórsetetin álemdik, qazaqstandyq avtorlardyń mýzykalyq shyǵarmalary qoıylyp, ishekti aspaptar kvarteti jáne saksofonshylar ónerlerin kórsetti. Jurt jergilikti kúıshi dombyrashylardyń oryndaýynda shyǵarmalardy tyńdady. Abaıdyń óleńderi men Qoja Ahmet Iasaýıdyń hıkmetterin oqyp otyrǵan akterlerge tánti boldy.

Aıta keteıik, jańa arbattyń aýmaǵy – 0,15 gektardy quraıdy. Abattandyrý jumystaryn júrgizý úshin jeri tegistelip, beton qabaty quıylǵan. Granıt tastar tóselip,  aspaly metal qurastyrylym qoıylǵan. Kórik berip turý úshin túrli - tústi shamdarmen jaraqtandyrylǵan.

 

Sońǵy jańalyqtar